Chaim Sucin naradziŭsia ŭ 1893 hodzie ŭ miastečku Śmiłavičy niedaloka ad Minska, i byŭ dziasiatym z adzinaccaci dziaciej miascovaha kraŭca, raspaviadaje Reform.by. U pošukach mastackaj realizacyi ŭ 1913 hodzie jon pierajechaŭ u Paryž. I choć miehapolis staŭ jaho surahatnym domam, jon zastavaŭsia aŭtsajdaram na praciahu ŭsiaho svajho žyćcia.

2023.09.01_chaim-soutine_k20-dusseldorf_018.jpg

Muziej sučasnaha mastactva Paŭnočnaha Rejna-Viestfalii. Fota: Andrej Durejka.

Vystaŭka ŭ Dziusieldorfie maje nazvu «Chaim Sucin. Suprać płyni» i akcentujecca na temach aŭtsajdarstva i emihracyi znakamitaha ŭradženca Biełarusi. Jaho karciny pralivajuć śviatło na jaho žyćcio jaŭrejskaha emihranta i źjaŭlajucca śviedčańniem niaŭstojlivaha isnavańnia na pieryfieryi hramadstva.

Frahmienty ekspazicyi. Fota: Andrej Durejka.

Frahmienty ekspazicyi. Fota: Andrej Durejka.

U ekspazicyi pradstaŭlena kala 60 pałotnaŭ, z akcentam na rannija šedeŭry mastaka i sieryi, stvoranyja ŭ pieryjad z 1918 pa 1928 hod.

Naciurmort ź sieladcom. 1916. Fota: Andrej Durejka.

Naciurmort ź sieladcom. 1916. Fota: Andrej Durejka.

Mastak časta ŭvasablaŭ pakajovak, słuh, pažaŭ, kucharaŭ, charystaŭ — ludziej, jakija, jak i jon, znachodzilisia na nižejšych uzroŭniach hramadstva. Jak i vyjavy chistkich krajavidaŭ i zabitych žyvioł, hetyja tvory źjaŭlajucca vyraznymi simvałami epochi, paznakaj pakaleńnia, achoplenaha vajnoj, sacyjalnymi prablemami, relihijnymi i palityčnymi supiarečnaściami.

Chłopčyk-charyst. 1927-1928. Fota: Andrej Durejka.

Chłopčyk-charyst. 1927-1928. Fota: Andrej Durejka.

Chaim Sucin — adzin ź vialikich mastakoŭ kłasičnaha madernizmu. Jaho ŭnikalnyja karciny adnačasova pačućciovyja i poŭnyja dramatyzmu.

 Žančyna ŭ ružovym. 1924. Fota: Andrej Durejka.

 Žančyna ŭ ružovym. 1924. Fota: Andrej Durejka.

Tvorčaść hetaha aŭtara akazała vielizarny ŭpłyŭ na žyvapis paśla Druhoj suśvietnaj vajny, a ŭ Hiermanii jon zastajecca vielmi šanavanym aŭtaram.

Razabranaja tuša. 1925. Fota: Andrej Durejka.

Razabranaja tuša. 1925. Fota: Andrej Durejka.

Vystaŭka ŭ dziusieldorfskim muziei budzie pracavać da 14 studzienia 2024 hoda.

Čytajcie taksama:

Karcinu Klimta pradali za rekordnyja dla Jeŭropy hrošy

Sa stoli Paryžskaj opiery patrabujuć prybrać freski Marka Šahała

Šahał, Sucin, Bakst… Što zrabić, kab śviet pačaŭ ich ličyć vychadcami ź Biełarusi? 

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?