Adzin z etapaŭ budaŭnictva «Hazpram-centra» ŭ Minsku. Fota: aficyjny sajt «Hazpram-centra»

Adzin z etapaŭ budaŭnictva «Hazpram-centra» ŭ Minsku. Fota: aficyjny sajt «Hazpram-centra»

«Ciapier… pačałasia raskansiervacyja abjekta. Na praciahu miesiaca jaje płanujuć zaviaršyć. A zatym pačnucca budaŭniča-mantažnyja raboty», — raskazaŭ Kucharaŭ.

Ciapier, pa słovach kiraŭnika Minharvykankama, na abjekcie zaniata kala 50 čałaviek.

Kucharaŭ adznačyŭ, što pytańni, jakija ŭźnikali raniej i tyčylisia hruntoŭ dy padmurka, vyrašalisia razam sa śpiecyjalistami z Sankt-Pieciarburha.

Pieršaja infarmacyja pra toje, što «Hazpram» płanuje pabudavać u Minsku novy ofis, źjaviłasia bolš za dziesiać hadoŭ tamu — u 2012 hodzie. Dla budaŭnictva była abranaja placoŭka kala Nacyjanalnaj biblijateki Biełarusi, a ŭ 2014-m pajšoŭ pad znos aŭtavakzał «Maskoŭski», jaki raniej tam znachodziŭsia.

Budaŭničyja raboty na miescy zapłanavanaha «Hazpram-centra» pačalisia ŭ 2015 hodzie, ale nieŭzabavie spynilisia. Paśla ich u 2019 hodzie sprabavali adnavić, ale ŭ lutym 2021-ha ŭsie raboty znoŭ prypynili. Aficyjnaja pryčyna — roznahałośsie pamiž zamoŭcam i hienieralnym padradčykam.

1 červienia 2023 hoda Łukašenka padpisaŭ ukaz №162, jakim AAT «Hazpramtranshaz Biełaruś» było vyzvalena ad vypłaty pieni za nievykanańnie terminaŭ budaŭnictva «Hazpram-centra». Novy dakumient dazvoliŭ budaŭnictva na hetym miescy biznes-apartamientaŭ, jakija «buduć uzvodzicca ŭ adpaviednaści z normami i praviłami dla administracyjnych i žyłych pamiaškańniaŭ».

Čytajcie taksama:

U šmatpakutnym «Hazpram-centry» chočuć zrabić biznes-apartamienty

Trahikamiedyja na budoŭli «Hazpram-Centra»: abstalavańnie na $20 miljonaŭ sapsavałasia

«Hazpram» budzie prasić Łukašenku praciahnuć budaŭnictva «Hazpram-centra» da kanca 2024. A zdać mielisia sioleta

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?