Fota: Getty Images

Fota: Getty Images

Sama mieniej dźvie dziaržaŭnyja ŭstanovy razhladajuć sakretny prajekt šklanoha doma Tesla, jaki atrymaŭ nazvu «Prajekt-42», paviedamlaje The Wall Street Journal. Jašče ŭ lipieni paviedamlałasia, što rada dyrektaraŭ aŭtavytvorcy pačała rasśledavańnie ŭ suviazi z aściarohaj, ci nie złoŭžyvaŭ resursami kampanii jaje hienieralny dyrektar Iłan Mask dla zhadanaha prajekta. Ciapier prakuratura zapytała infarmacyju ab tym, kolki Tesla vydatkavała na prajekt, i ab asabistaj vyhadzie Maska. Taksama Kamisija kaštoŭnych papier i biržaŭ (SEC) pačała hramadzianskaje rasśledavańnie i zapytała tuju ž infarmacyju.

Płany «Prajekta-42» praduhledžvali budaŭnictva šklanoj kanstrukcyi, jakaja vyhladała jak žyłoje pamiaškańnie sa spalniami, vannymi pakojami i kuchniaj pobač z pradpryjemstvami Tesla ŭ Ostynie, štat Techas. Niekalki kancepcyj pradstaŭlali budynak u vyhladzie «skručanaha šaścivuholnika». Inšyja vyjavy pakazvali šyrokuju šklanuju skryniu, jakaja, zdavałasia, uklučała i žyły rajon. 

Rada dyrektaraŭ kampanii pačała rasśledavańnie paśla taho, jak supracoŭniki vykazali zakłapočanaść z nahody śpiecyjalnaha škła, zamoŭlenaha dla prajekta, jakoje, na ich dumku, budzie kaštavać kampanii miljony dalaraŭ. Pakul niezrazumieła, ci skončana rasśledavańnie i ci vykanana zamova kampanii na hetaje śpiecyjalnaje škło.

Praviły SEC patrabujuć, kab publičnyja kampanii raskryvali infarmacyju ab tranzakcyjach na sumu zvyš 120 000 dalaraŭ, u jakich źviazanaja z kampanijaj asoba, naprykład, kiraŭnik, maje istotnuju zacikaŭlenaść. Praviły taksama patrabujuć, kab infarmacyja pra lubyja lhoty abo inšuju asabistuju vyhadu na sumu bolšuju za 10 000 dalaraŭ, jakija vypłačvajucca najvyšejšym kiraŭnikam, paviedamlałasia inviestaram. 

U dadatak da rasśledavańniaŭ u dačynieńni da «Prajekta-42» Tesla, jak paviedamlajecca, taksama sutykajecca z zapytami z boku fiederalnych prakuroraŭ nakont dalokaści ruchu jaje aŭtamabilaŭ. U lipieni ahienctva Reuters paviedamlała, što kampanija Tesla zavysiła adlehłaść, jakuju jaje transpartnyja srodki mohuć prajechać na adnoj zaradcy batarei.

Nu, i ŭ jakaści višańki na torcie Ministerstva justycyi i SEC taksama raspačali rasśledavańnie taho, ci nie ŭviała Tesla ŭ zman klijentaŭ i inviestaraŭ adnosna pradukcyjnaści svajoj pieradavoj sistemy dapamohi kiroŭcu, viadomaj jak aŭtapiłot.

U apošnija hady Mask inviestavaŭ značnyja srodki ŭ Techas, asabista pierajechaŭšy tudy z Kalifornii i pieraniosšy tudy štab-kvateru Tesla. Jon narakaŭ na praviły Kalifornii, nazyvajučy štat krainaj «praźmiernaha rehulavańnia, praźmiernaha sudovaha razboru, praźmiernaha padatkaabkładańnia». Techas ža prapanuje padatkovyja lhoty dla samych bahatych ludziej u śviecie: tak, u adroźnieńnie ad Kalifornii, štat nie abkładaje padatkam indyvidualnyja dachody fizasob abo pryrost kapitału.

Čytajcie taksama:

Pieršaha tunela Hyperloop Iłana Maska bolš niama. Čamu ideja tak i nie była realizavanaja?

«O boža, heta niadobra!» Mask raskazaŭ pra «cudoŭnuju razmovu» z Pucinym

Mask zajaviŭ, što Cukierbierh admoviŭsia ad boju ŭ Kaliziei

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?