Alaksiej Šapašnikaŭ Aleksei Shaposhnikov Aleksiej Šapošnikov

Staršynia Maskoŭskaj haradskoj dumy ŭ novaj mastackaj stužcy vykonvaje rolu druhoha sakratara Maskoŭskaha harkama partyi. Skryn videa: NavalnyRu / Youtube

Napiaredadni vybaraŭ mera Maskvy Fond Alaksieja Navalnaha vypuściŭ novaje rasśledavańnie, hierojem jakoha staŭ staršynia Maskoŭskaj haradskoj dumy Alaksiej Šapašnikaŭ. Heta nie pieršy raz, kali na jaho źviarnuli ŭvahu. Fond Navalnaha niekalki hadoŭ tamu vypuściŭ rasśledavańnie ab nabyćci Šapašnikavym pientchausa ŭ centry Maskvy.

Jak adznačajecca ŭ novym rasśledavańni, ciapier Šapašnikaŭ zjaŭlajecca turbapatryjotam, apantanym prychilnikam vajny va Ukrainie. U ścienach Maskoŭskaj haradskoj dumy jon arhanizavaŭ štab, ź jakoha na front adpraŭlajuć ekipiroŭku, broniekamizelki, humanitarnuju dapamohu. A mantru pra fašystaŭ i nacystaŭ va Ukrainie jon paŭtaraje pry luboj mahčymaści.

Asabliva lubimaj temaj dla Šapašnikava zjaŭlajecca tema maskoŭskaha apałčeńnia 1941 hoda. Jon pravodzić paralel pamiž mabilizacyjaj toj pary i ŭ siońniašnimi ŭmovami. Zachapleńnie zajšło tak daloka, što staršynia Maskoŭskaj haradskoj dumy ciapier udzielničaje ŭ zdymkach za dziaržaŭnyja hrošy studyjaj «Vajenfilm» mastackaha filmu pra maskoŭskaje narodnaje apałčeńnie «Na poklič serca». Režysioram stužki zjaŭlajecca Ihar Uholnikaŭ.

U filmie Šapašnikaŭ vykonvaje rolu druhoha sakratara haradskoha kamiteta partyi. Razam ź im zdymajucca i dźvie jaho dački. Jak vyśvietlili aŭtary rasśledavańnia, 23-hadovaja dačka Šapašnikava zjaŭlajecca ŭładalnicaj kvatery koštam kala 1 miljona jeŭra ŭ ispanskaj Barsiełonie.

Znajści kvateru dapamoh videarolik, jaki byŭ raźmieščany ŭ instahramie byłoj hramadzianskaj žonki Šapašnikava. Na im źniata, jak sabaka, što znachodzicca na bałkonie, drapaje łapami šklanyja dźviery. Videa supravadžałasia hieateham z nazvaju vulicy ŭ Barsiełonie.

sabaka ŭ Barsiełonie sobaka v Barsiełonie dog in Barcelona

Frahmient videa ź instahram byłoj hramadzianskaj žonki Alaksieja Šapašnikava. Skryn videa: NavalnyRu / Youtube

Adpaviedna daviedcy z kadastravaha ahienctva Ispanii, 300-mietrovyja apartamienty ŭ centry Barsiełony byli nabyty 23 lutaha 2022 hoda 22-hadovaj Danaj Šapašnikavaj za 1 miljon jeŭra. Adpaviedna sa źviestkami z adkrytych krynic, dziaŭčyna žyvie ŭ Ispanii z 2014 hoda. Tam jana vučyłasia ŭ škole, francuzskim licei, a paśla pastupiła vučycca na psichołaha va ŭniviersitet. Ciapier Dana Šapašnikava zajmajecca repietytarstvam — vučyć ruskaj movie zamiežnikaŭ. Košt adnoj hadziny zaniatkaŭ — 15 jeŭra.

Jak samoha staršyniu Maskoŭskaj haradskoj dumy, jaki faktyčna zjaŭlajecca pravaj rukoj mera Maskvy Siarhieja Sabianina, tak i jaho blizkich, jakija žyvuć u Jeŭropie, nijakim čynam nie zakranuli sankcyi. Fond Navalnaha abiacaje zapatrabavać ad uładaŭ Ispanii ŭviadzieńnia sankcyj suprać hieroja ich rasśledavańnia i jaho siamji.

Čytajcie jašče:

Padčas vajny Pucin zakłapočany novaj jachtaj. U hetym jamu nasustrač iduć

Rasśledavańnie Navalnaha: Simańjan i jaje siamja zarabili na mutnych schiemach amal $10 miljonaŭ za try hady

Pazašlubny syn Šajhu źjechaŭ z Rasii za niekalki dzion da mabilizacyi — rasśledavańnie

Fond Navalnaha rassakreciŭ rezidencyju Pucina z «sałonam pryhažości»

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?