Hienprakuror Andrej Švied, ministr abarony Viktar Chrenin i premjer-ministr Raman Hałoŭčanka. Fota: BiełTA

Hienprakuror Andrej Švied, ministr abarony Viktar Chrenin i premjer-ministr Raman Hałoŭčanka. Fota: BiełTA

Šerah materyjałaŭ pa kryminalnaj spravie ab hienacydzie biełaruskaha naroda płanujecca nakiravać u sud sioleta. Pra heta zajaviŭ žurnalistam hienprakuror Biełarusi Andrej Švied, piša BiełTA.

Pa jaho słovach, pa ŭsioj krainie štodzień viadziecca praca śledčaj hrupaj Hienprakuratury z pryciahnieńniem śpiecyjalistaŭ Minabarony, dapamahajuć śpiecyjalisty SK, Dziaržaŭnaha kamiteta sudovych ekśpiertyz. 

«U listapadzie my płanujem nakiravać u sud pieršyja materyjały ŭ dačynieńni da Katruka — kata, jaki słužyŭ u karnym bataljonie. Praca praktyčna zavieršanaja, ciapier my ŭdakładniajem jurydyčnyja pracedury, u tym liku šukajem jaho svajakoŭ, kab apaviaścić ab pačatku pracesu.

Dalej sioleta syduć materyjały ŭ dačynieńni da jašče dvuch karnikaŭ. Naleta my płanujem nie mienš za 15-20 materyjałaŭ nakiravać u sudy, kab va ŭstanoŭlenym zakonam paradku dakazać vinu kataŭ, jakija niščyli tut mirnych ludziej i vajennapałonnych», — raspavioŭ hienprakuror.

Premjer-ministr Biełarusi Raman Hałoŭčanka, Andrej Švied i ministr abarony Viktar Chrenin siońnia naviedali raniej nieviadomyja miescy masavaha zabojstva i pachavańnia mirnych žycharoŭ i vajennapałonnych va ŭročyščy Uručča, ustanoŭlenych padčas rasśledavańnia kryminalnaj spravy ab hienacydzie.

***

Uładzimir Katruk pamior va ŭzroście 93 hadoŭ u Kanadzie ŭ 2015 hodzie. Jon słužyŭ u 118-m bataljonie Schutzmannschaft — palicejskim farmiravańni, jakoje ŭdzielničała ŭ masavych raspravach nad mirnymi žycharami padčas vajny. U pryvatnaści, u sakaviku 1943 hoda jany spalili ŭsich žycharoŭ vioski Chatyń.

Uładzimir Katruk uvachodziŭ u dziasiatku nacysckich złačyncaŭ, jakich u pieršuju čarhu šukaŭ centr Simona Vizientala. Jon byŭ znojdzieny ŭ kviebiekskim municypalitecie Manterežy ŭ Kanadzie.

Mužčyna apošnija hady razvodziŭ pčoł. Padčas dopytu jon admaŭlaŭ usie suviazi z nacystami, zajaŭlaŭ, što ničoha nie viedaje pra «śpis Vizientala».

«Mnohija hady miedyja biespadstaŭna pieraśledavali mistara Katruka. Ja vielmi rady, što ciapier jon mirna spačyvaje», — kazaŭ tady jaho advakat Arest Rudzik.

Čytajcie taksama:

U Kanadzie pamior 93-hadovy Uładzimir Katruk, abvinavačany pa spravie spaleńnia Chatyni

Kanada admoviłasia vydać Rasii U. Katruka, jaki moža być datyčny da spaleńnia Chatyni

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?