Usiaho z pačatku 2022 hoda pa červień 2023 hoda biełarusy zarehistravali ŭ Polščy 11 716 JDG (Jednoosobowa działalność gospodarcza — polski anałah IP).

Ale kali ŭ pačatku minułaha hoda hramadzianie Biełarusi štomiesiac rehistravali kala 200 IP, to z sakavika statystyka zafiksavała dvuchrazovy rost, a z maja 2022 hoda pa hety momant biełarusy štomiesiac rehistrujuć u Polščy 600-850 IP.

Kožny čaćviorty zamiežny IP, jaki źjaviŭsia ŭ Polščy za hetyja 1,5 hoda, — ź Biełarusi. Bolš rehistrujuć tolki ŭkraincy.

Asnoŭny skačok źviazany z rełakacyjaj ź Biełarusi IT-śpiecyjalistaŭ. Mnohija ź ich źjechali akurat paśla pačatku vajny va Ukrainie i paśla ŭviadzieńnia ŭ dačynieńni da Biełarusi zachodnich sankcyj.

Dźvie traciny ŭsich novych biełaruskich IP u Polščy (7,9 tys.) adnosiacca da vidu dziejnaści «Infarmacyja i suviaź», ź ich 86% zajmajucca prahramavańniem. Mnohija inšyja pradprymalniki taksama zaniatyja intelektualnaj pracaj.

11% IP viaduć prafiesijnuju, navukovuju abo techničnuju dziejnaść, 5% zajmajucca budaŭničym biznesam.

«Halinovaja struktura biełaruskich JDG moža spryjać papaŭnieńniu niedachopu supracoŭnikaŭ u Polščy, asabliva z vysokimi kampietencyjami ŭ halinie IT. Važna skarystacca z hetaj mahčymaści, kab biełaruskija kampanii, jakija ŭźnikajuć u Polščy, spryjali paskareńniu ličbavizacyi polskich kampanij», — ličać u PIE.

Čytajcie taksama:

Polski deputat: Abaviazkova znojdziecca rašeńnie, kab biełarusy mahli zastavacca ŭ Polščy

U Polščy ŭ minułym hodzie biełaruski naradzili 741 dzicia

Bieź dziejnaha pašparta znachodžańnie biełarusaŭ za miažoj stanie niezakonnym. Voś što možna zrabić z hetym tym, chto žyvie ŭ Polščy ci Litvie

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?