U Bresckaj krepaści źmieniać histaryčnuju płaniroŭku i źmienšać achoŭnuju zonu. Heta praduhledžana pastanovaj Ministerstva kultury Biełarusi №113 ad 22 žniŭnia 2023 hoda.

Dakumient źmianiaje zonu achovy materyjalnych historyka-kulturnych kaštoŭnaściaŭ na terytoryi Bresckaj krepaści i ŭ Breście. Płošča zony achovy łandšaftu budzie źmienšana z 67,6 da 64,6 hiektara. Taksama ŭniesienyja vyklučeńni ŭ zabarony, jakimi abmiažoŭvajuć budaŭnictva i źmianieńnie płaniroŭki.

Minkult dazvoliŭ rekanstrukcyju budynka kuchni-stałovaj z pavieličeńniem płoščy zabudovy. A jašče dazvolena źmianieńnie histaryčnaj płanirovačnaj struktury dla «budaŭnictva inžynierna-transpartnaj infrastruktury z prymianieńniem sučasnych i zachavańniem isnujučych histaryčnych pakryćciaŭ, nieabchodnaj dla funkcyjanavańnia ŭstanovy «Respublikanski centr patryjatyčnaha vychavańnia moładzi».

U Bresckaj krepaści źmieniać histaryčnuju płaniroŭku i źmienšać achoŭnuju zonu

«Centr patryjatyčnaha vychavańnia moładzi» pavinien źjavicca ŭ Kobrynskim umacavańni Bresckaj krepaści. Hety abjekt abviaścili «Usiebiełaruskaj maładziožnaj budoŭlaj».

U novym centry musić kruhły hod «prachodzić praces pa hramadzianska-patryjatyčnym, vajenna-patryjatyčnym vychavańni navučencaŭ škoł». Pavodle infarmacyi Ministerstva abarony, płanujecca rekanstrukcyja budynkaŭ i zbudavańniaŭ na terytoryi Kobrynskaha ŭmacavańnia.

Sprajektavaŭ novy kompleks «Vajenprajekt»: płan praduhledžvaje adnaŭleńnie kazarmaŭ płoščaj bolš za dźvie tysiačy kvadratnych mietraŭ. Dla pražyvańnia vychavancaŭ buduć abstalavanyja internaty: adzin raźličany na 38 dziaŭčynak, druhi — na 196 chłopčykaŭ.

U letni čas na śpiecyjalna abstalavanaj placoŭcy budzie razhortvacca namiotavaje miastečka na 200 čałaviek. Adramantavanyja kaziematy stanuć vučebnym korpusam.

Čytajcie taksama:

Šaści bresckim škołam da novaha navučalnaha hoda nadali imiony savieckich hierojaŭ

Pryznačyli novaha dyrektara ŭ Bresckuju krepaść

Łukašenkaŭskaja prapahanda śviatkuje vyzvaleńnie Bresta «ad vojskaŭ NATA»

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?