Sana Maryn. Fota: Sergei Grits / AP

Sana Maryn. Fota: Sergei Grits / AP

Były premjer-ministr Finlandyi Sana Maryn, jakaja była adnym z samych maładych lidaraŭ Jeŭropy i aktyŭna vystupała ŭ padtrymku Ukrainy, zajaviła ŭ čaćvier, što adychodzić ź finskaj palityki i dałučycca da niekamiercyjnaj arhanizacyi, jakaja bazujecca ŭ Łondanie, piša Reuters.com.

Maryn, jakoj było 33 hady, kali jana ŭstupiła na pasadu ŭ śniežni 2019 hoda, uznačalvała piacipartyjnuju levacentrysckuju kiroŭnuju kaalicyju da krasavika hetaha hoda. Jana atrymała padziaku za toje, jak jaje kabiniet daŭ rady pandemii COVID-19, a jaje hučnaja padtrymka Ukrainy letaś pavysiła jaje mižnarodnuju viadomaść. Taksama pry joj Finlandyja stała 31-m čalcom NATO.

«Čas ruchacca dalej, — cytuje słovy Sany Maryn finskaja hramadskaja telekampanija Yle. — Ja ź nieciarpieńniem čakaju mahčymaści pačać pracu ŭ novaj roli. Ja taksama vieru, što heta moža prynieści karyść usioj Finlandyi».

«Ja vieru, što zmahu dobra pasłužyć vybarščykam [u Finlandyi] i, mahčyma, navat lepš na novaj pasadzie», — zajaviła Maryn na pres-kanfierencyi. Jana taksama pakinuła pasadu kiraŭnika Sacyjał-demakratyčnaj partyi.

Maryn dałučycca da Instytuta hłabalnych pieramien eks-premjera Vialikabrytanii Toni Błera. Raniej u hetym miesiacy niekamiercyjnaja arhanizacyja zajaviła, što Maryn stanie «stratehičnym kansultantam».

«[Maja] zadača budzie być daradcam roznych krain, uradaŭ i lidaraŭ u pytańniach palityki, jakija mnie znajomyja, heta kiravańnie, technałohii, klimat, hiendarnaja roŭnaść i inšyja pytańni, ź jakimi mnie davodziłasia pracavać», — skazała jana ŭ intervju haziecie Huvudstadsbladet.

Na krasavickich parłamienckich vybarach Sana Maryn prajhrała hałoŭnaj kansiervatyŭnaj partyi Finlandyi, sacyjał-demakraty naohuł finišavali trecimi, razburyŭšy jaje nadziei na pieraabrańnie.

Budučy premjer-ministram, Maryn uznačalvała kaalicyjny ŭrad, jaki ŭklučaŭ jaje sacyjał-demakrataŭ, Centrysckuju partyju, Lihu zialonych, Aljans levych i Šviedskuju narodnuju partyju.

Asabistaje žyćcio Sany Maryn i aktyŭnaje karystańnie sacyjalnymi sietkami atrymali šyrokaje mižnarodnaje aśviatleńnie padčas jaje premjerstva. U žniŭni 2022 hoda jana pryniesła prabačeńni paśla publikacyi fatahrafii, na jakoj byli dźvie žančyny, jakija pazirujuć toples u aficyjnaj letniaj rezidencyi lidara krainy.

Fatahrafija źjaviłasia paśla taho, jak videa, na jakim Maryn tancuje i śpiavaje ź siabrami, vyklikała dyskusiju ab tym, ci maje prava premjer-ministr ad dušy viesialicca.

Čytajcie taksama:

Eks-premjer Finlandyi paprasiła miedyja nie ŭmiešvacca ŭ jaje pryvatnaje žyćcio

36-hadovaja premjerka Finlandyi ŭzarvała internet mini-šortami. Raskazvajem pra jaje

Finskaja premjerka Sana Maryn stała zorkaj. A što viadoma pra jaje muža?

Premjer-ministr Finlandyi: Biez ZŠA Jeŭropie nie chopić sił, kab supraćstajać Rasii

Клас
27
Панылы сорам
1
Ха-ха
6
Ого
1
Сумна
2
Абуральна
4