Praca Paŭła Vajnickaha Négritude. Fota: Reform.by

Praca Paŭła Vajnickaha Négritude. Fota: Reform.by

Na vystavie pradstaŭleny pracy mastakoŭ, jakija raskryvajuć mahčymaści takoha materyjału, jak škło, — jak płastyčnaść, dekaratyŭnaść, aktualnaść i vobraznaść. Temy, na jakija vykazvajucca ŭ svaich pracach mastaki, — ad prapahandy da rasavych prablem.

U pryvatnaści, Négritude Paŭła Vajnickaha ŭjaŭlaje saboj nastupnuju kampazicyju: na roznakalarovych častkach kanstruktara jak na spartyŭnym pastamiencie stajać try šklanyja hałavy-formy — biełaja, čornaja i biełaja.

«Raspačaty ŭ pieršaje dziesiacihodździe XX stahodździa Négritude byŭ antykałanijalnym kulturnym i palityčnym rucham za adradžeńnie afrykanskaj kultury i ŭvohule kaštoŭnaści čarnaskurych ludziej. Usiaho stahodździe tamu było nie tak vidavočna toje, što siońnia jość aksijomaju: śviet nie naležyć vyklučna biełaskurym, usie ludzi roŭnyja. Maja praca iranična stavić pad sumnieŭ kancepcyju biełaha (kałanijalnaha i postkałanijalnaha) panavańnia», — raspavioŭ pra svoj tvor Reform.by Pavieł Vajnicki.

Konkurs imia Źbihnieva Charbova skiravany na pramocyju mastackaha škła i dyzajnu jak tradycyi rehijona Nižniaja Silezija i Urocłava. U metach arhanizataraŭ — pabudavać most pamiž historyjaj i budučyniaj praź miedyum hetaha ŭnikalnaha vidu mastactva.

Kurataram vystavy ŭ Geppart Gallery vystupiŭ doktar Marjuš Łabinski.

Čytajcie taksama:

U Minsku adkryvajecca «Vosieński sałon»

U Varšavie adkryłasia vystava rok-muzykaŭ Juryja Stylskaha i Lavona Volskaha

U Bierlinie adkryłasia vystava, pryśviečanaja Alesiu Bialackamu

Клас
1
Панылы сорам
0
Ха-ха
0
Ого
0
Сумна
0
Абуральна
0