Aleh Hajdukievič. Skrynšot ź BiełRosTV

Aleh Hajdukievič. Skrynšot ź BiełRosTV

«Naša Niva» zapytałasia ŭ inicyjatyvy «Jurysty Biełarusi: niezaležnaść i supraca», ci moža Alehu Hajdukieviču pahražać kryminalnaja adkaznaść.

Za 2022 hod zaviali bolš za 200 kryminalnych spraŭ za raspaŭsiud abo vyrab porna. Aholeny pałavy orhan u ahulnym dostupie pavodle biełaruskich normaŭ — heta raspaŭsiud parnahrafičnaha materyjału, bo patraplaje pad paniaćcie «śviadomaja demanstracyja aholenych hienitalij». Dyk ci mahčyma jaho pakarać?

«Tearetyčna — tak, deputat, jak i luby inšy hramadzianin Biełarusi, moža być pakarany za raspaŭsiud porna. Ale jość dźvie važnyja zaŭvahi.

Pieršaja — heta toje, što pakul nie dakazana, što heta člen Aleha Hajdukieviča i što heta jon jaho apublikavaŭ u kanale, jaho abvinavačvać nielha. Hety fakt treba dakazvać, tym bolš što sam Hajdukievič śćviardžaje, što jaho ŭzłamali.

U lubym vypadku hramadskaść moža stać inicyjataram praviadzieńnia raźbiralnictva pa hetym fakcie. I ŭžo MUS i śledčyja orhany musiać vyśviatlać abstaviny taho, što i jak adbyłosia. Ale ŭ kožnym razie heta nahoda dla taho, kab pačać pravierku.

Druhi momant — heta toje, što Hajdukievič maje deputacki imunitet. Adpaviedna, suprać jaho nielha pačać śledčyja dziejańni biez zhody Pałaty pradstaŭnikoŭ, bo artykuł 343 nie adnosicca da asabliva ciažkich.

Ale jość i terminy daŭniny, i ŭ niejki momant Hajdukievič pierastanie być deputatam i stracić imunitet».

Nahadajem, učora dniom u telehram-kanale Hajdukieviča źjaviłasia fota aholenaha čelesa. «Naša Niva» vyśvietliła, što ruka, jakaja trymaje hety čeles, vielmi padobnaja da ruki deputata. Ale jon śćviardžaje, što jahony kanał byŭ uzłamany.

Čytajcie taksama:

ŁDPB suprać ŁHBT. «Zvyšnaturał» Hajdukievič znajšoŭ sabie novuju zadaču

Hajdukievič pieraličyŭ hiej-kłuby Vilni. Paśla ŭdakładniŭ: Litva pamiraje, a ja zvyšnaturał!

Milicejski telehram-kanał, dzie publikujuć videa z represavanymi, vypadkova vydaŭ svaich adminaŭ

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?