Cauliflower

Fota: Nora Carol Photography / Getty Images

Vosień — najlepšy čas dla kupli kviacistaj kapusty, choć ciapier jaje možna znajści ŭ kramie kruhły hod.

Kviacistaja kapusta — heta kryžakvietnaja harodnina naroŭni z brokali, brusielskaj kapustaj, listavoj kapustaj i radyskaj. Jana źjaŭlajecca vydatnaj krynicaj vitaminaŭ i minierałaŭ, a taksama źmiaščaje vialikuju kolkaść klatčatki, patrebnaj dla zdaroŭja stravavalnaj sistemy. Jašče ŭ kapuście šmat antyaksidantaŭ, karysnych dla abarony ad niekatorych chraničnych zachvorvańniaŭ.

Pry kupli kviacistaj kapusty šukajcie harodninu kremava-biełaha koleru sa ščylna prylehłymi sukviećciami bieź plamaŭ abo paciamnieńniaŭ. Hałoŭka kviacistaj kapusty pavinna być ciažkavataj z-za svajho pamieru. Liście musić być śviežym, nie viałym — heta prykmieta taho, što kapustu sabrali niadaŭna.

Kviacistuju kapustu možna zachoŭvać u chaładzilniku da piaci dzion. Nie myjcie hetu harodninu, pakul nie budziecie hatovyja jaje ŭžyvać. Pierad hatoŭkaj pramyjcie pad chałodnaj pratočnaj vadoj. Prybiarycie i vykińcie źniešniaje liście, ściabło i siaredzinu. Dalej kapustu možna razabrać na sukviećci abo narezać.

Kab zhatavać sałat z kviacistaj kapustaj, jabłykami i arechami, spatrebicca:

  • kviacistaja kapusta — 1 št.
  • jabłyki — 2
  • pałova limona
  • arechi — 1 žmienia funduku ci mindalu
  • johurt — 5 st. łyžak
  • 1 st.ł. ciortaha imbiru
  • 1 st.ł. harčycy
  • 1 st.ł. vinnaha vocatu
  • sol, čorny pierac, na žadańnie — piatruška

Cauliflower apple salad

Fota: quericavida.com

Jak hatavać:

  1. Kviacistuju kapustu zvaryć u padsolenaj vadzie 1 chvilinu paśla zakipańnia, a potym pramyć chałodnaj vadoj, kab spynić jaje hatavańnie.
  2. Jabłyki pačyścić ad łupiny i parezać kubikami.
  3. Arechi možna trochi padsmažyć, a potym zdrabnić — ale davoli bujnymi kavałkami, nie da stanu kroški.
  4. Zrabić zapraŭku: źmiašać johurt, harčycu, ciorty imbir, sol, pierac i vocat.
  5. Źmiašać usie składniki, zapravić, znoŭ chutka pieramiašać i adrazu padavać.

Čytajcie taksama:

Vierasień na dvare, a jabłyki ŭ Biełarusi stali ŭdvaja daražejšymi za banany

Kiš z brokali i pamidorami

Ślivavaja šarłotka — ulubiony piroh u novaj viersii

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?