Ilustracyjny zdymak. Fota: «Naša Niva»

Ilustracyjny zdymak. Fota: «Naša Niva»

Paŭlučenka pryznała deficyt pracoŭnaj siły ŭ Biełarusi, ale pryčynami jaho nazvała nie masavuju emihracyju z krainy praz represii i vajnu, a «rost ekanomiki Biełarusi, stvareńnie novych pracoŭnych miescaŭ», što supravadžajucca «padvyšanym popytam na pracoŭnuju siłu».

Pavodle jaje, u banku vakansij zajaŭlena kala 130 tysiač vakansij. Tamu pracadaŭcy źviarnuli ŭvahu na inšaziemcaŭ.

Tak, u studzieni-žniŭni 2023 hoda ŭ Biełarusi pracavała 34 tys. zamiežnych hramadzian, ź ich kala 1 tys. z Uźbiekistana. Asnoŭnaja častka zamiežnych hramadzian zaniatyja ŭ śfierach pasłuh i vytvorčaści.

«Asnoŭnym novaŭviadzieńniem u častcy pryciahnieńnia zamiežnaj pracoŭnaj siły zjaŭlajecca pryniaćcie ŭ 2023 hodzie novaj redakcyi zakona «Ab źniešniaj pracoŭnaj mihracyi», jakim sproščany dostup na rynak pracy Biełarusi zamiežnikam», — raspaviała Paŭlučenka.

Tak, dla 17 katehoryj inšaziemcaŭ (navučency, prafiesii, uklučanyja ŭ pieralik, spartsmieny i inšyja) ukaraniony paviedamlalny pryncyp (najmalniki piśmova na praciahu troch dzion apaviaščajuć padraździaleńni pa hramadzianstvie i mihracyi ab zaklučeńni pracoŭnaj damovy) zamiest atrymańnia śpiecyjalnaha dazvołu.

Taksama skasavanaja norma, jakaja abaviazvaje najmalnika atrymlivać dazvoł.

Da kanca hoda pieralik prafiesijaŭ ź zialonym śviatłom na biełaruski rynak dla inšaziemcaŭ płanujecca pašyryć.

Čytajcie taksama:

Na BT pakazali doktara, jaki viarnuŭsia ŭ Biełaruś praz kamisiju hienprakurora Švieda

«Dzie kot, tam i dom». Śpiavak Bašłykievič — pra žyćcio ŭ Amsterdamie, novy albom i biełaruskuju satjahrachu

Čamu biełarusy jeduć na Radzimu, kali heta dla ich moža być niebiaśpiečna

Vilnia ci Varšava? Biełarusy pra plusy i minusy žyćcia ŭ hetych stalicach

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?