Alaksiej Navalny. Fota: AP Photo / Alexander Zemlianichenko

Alaksiej Navalny. Fota: AP Photo / Alexander Zemlianichenko

Pavodle vydańnia, dla hetaha moža być vykarystany najaŭny kanał, pry dapamozie jakoha Zachad viartaje svaich hramadzian, aryštavanych u Rasii, u abmien na vydaču Maskvie zatrymanych u siabie rasijskich špijonaŭ (nahadajem, što mienavita takim čynam letaś ZŠA abmianiali kramloŭskaha handlara zbrojaj Viktara Buta na amierykanskuju baskietbalistku Brytni Hrajnier).

«Takija źniavolenyja dysidenty, jak Navalny, mohuć być uklučanyja ŭ śpis abmienu asudžanymi pamiž Zachadam i Rasijaj. U hetym śpisie taksama jość zatrymanyja ŭ Rasii vieteran amierykanskaj marskoj piachoty Poł Uiłan i reparcior The Wall Street Journal Evan Hierškovič.

U abmien Kreml vielmi choča viarnuć svajho tajnaha ahienta i palityčnaha zabojcu — Vadzima Krasikava, asudžanaha ŭ Hiermanii na pažyćciovaje źniavoleńnie za zabojstva čačenskaha palavoha kamandzira Zielimchana Chanhašvili», — raspaviadaje vydańnie The Wall Street Journal.

Ahient rasijskich śpiecsłužbaŭ Vadzim Krasikaŭ (źleva) u 2019 hodzie ŭ Bierlinie zabiŭ strełam u hałavu hramadzianina Hruzii i byłoha čačenskaha palavoha kamandzira Zielimchana Chanhašvili (sprava), jakoha nazyvali adnym ź ludziej, nabližanych da Asłana Maschadava i Šamila Basajeva. Fota: Daily Mail

Ahient rasijskich śpiecsłužbaŭ Vadzim Krasikaŭ (źleva) u 2019 hodzie ŭ Bierlinie zabiŭ strełam u hałavu hramadzianina Hruzii i byłoha čačenskaha palavoha kamandzira Zielimchana Chanhašvili (sprava), jakoha nazyvali adnym ź ludziej, nabližanych da Asłana Maschadava i Šamila Basajeva. Fota: Daily Mail

58-hadovy Vadzim Krasikaŭ da aryštu byŭ supracoŭnikam tajemnaha adździeła FSB pad nazvaj «Vympieł», jaki śpiecyjalizujecca na palityčnych zabojstvach i padpolnych apieracyjach za miažoj. Jašče ŭ 2019 hodzie čarhovaj achviaraj Krasikava staŭ hramadzianin Hruzii i pa sumiaščalnictvie były čačenski palavy kamandzir Zielimchan Chanhašvili, jaki byŭ źviazany z eks-prezidentam Čačni Asłanam Maschadavym i viadomym čačenskim palavym kamandziram Šamilem Basajevym.

Pa infarmacyi The Wall Street Journal, mienavita Krasikaŭ źjaŭlajecca centralnaj fihuraj mahčymaha budučaha abmienu źniavolenymi, bo Pucin nibyta vielmi mocna žadaje viarnuć jaho nazad. Abmien biez vyzvaleńnia Krasikava Kramlom uvohule nie razhladajecca.

Nahadajem, što nie tolki Zachad prapracoŭvaje miechanizm vyzvaleńnia rasijskich dysidentaŭ z turmaŭ. Hetym pytańniem, niahledziačy na vajnu, niadaŭna zacikaviłasia i Ukraina. Zhodna z novymi płanami vajskovaj raźviedki Ukrainy, rasijskija palitviaźni, jakija vystupali suprać vajny, mohuć być uklučany ŭ śpis na abmien pamiž Kijevam i Maskvoj. 

Čytajcie jašče:

«Ja vielmi mocna nienavidžu tych, chto pradaŭ histaryčny šaniec Rasii». Navalny napisaŭ rezki artykuł u adras Jelcyna, Čubajsa, Vieniadziktava i Sabčak

Žonka Navalnaha raskazała, ci hatova pajści šlacham Śviatłany Cichanoŭskaj 

«Navalny» staŭ najlepšym dakumientalnym filmam, «Usio ŭsiudy i adrazu» atrymaŭ siem «Oskaraŭ», u tym liku za najlepšy film

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?