Jak raskazaŭ sam Limonaŭ u kamientary CityDog.io, ideja zrabić niešta ŭ styli biełaruskaha sałomaplacieńnia była ŭ jaho daŭno.

«Ja prymiaraŭ roznyja vobrazy, ale nijak nie dachodzili ruki. I voś niadaŭna hulaŭ pa Nacyjanalnym mastackim muziei, znoŭ sustreŭ tam plecienyja ekspanaty — i adbyłosia azareńnie. Taksama za dzień da hetaha ja naviedaŭ «Asieńni sałon», dzie mnie mała što spadabałasia. U vyniku hetaha napłastavańnia padziej ja vyrašyŭ stvaryć pop-art-kalekcyju ličbavych «sałamianych «Zornych vojnaŭ».

Pa słovach dyzajniera, sučasnaje pop-art-mastactva — heta praces pastajannaj pierapracoŭki, transfarmacyi, kapijavańnia elemientaŭ masavaj kultury dla taho, kab stvaryć novyja emocyi, novyja vobrazy i sensy.

«Vobraz Darta Vejdera źjaviŭsia adrazu, bo jaho šlem nahadaŭ plecieny košyk — i paniesłasia! — dzielicca Loša. — Ja pasprabavaŭ pieraasensavać vydatnuju samabytnuju nacyjanalnuju techniku i stvaryć sieryju novych vobrazaŭ».

Dart Vejder z sałomy

Dart Vejder z sałomy

Kalekcyja ličbavych «sałamianych «Zornych vojnaŭ» zhienieravanaja z dapamohaj niejrasietki, ale dyzajnier nie vyklučaje taho, što art-abjekty mohuć stać realnymi skulpturami.

«U płanach hety kancept hłabalna maštabavać. Jašče treba šmat čaho vyvučyć u historyi našaj kultury, razabrać roznyja pryjomy sałomaplacieńnia. Taksama jość vielmi šmat jarkich vobrazaŭ u pop-kultury, jakija možna pieraasensavać u hetym styli».

Ličbavyja skulptury Loša płanuje pieravieści ŭ materyjał z dapamohaj 3D-pryntara ci navat samastojna spleści rukami.

«Mnie zdajecca, što takija jarkija ekspanaty vykličuć šmat emocyj na tym ža «Asieńnim sałonie — 2024», jak minimum».

Čytajcie taksama:

Vyjšła cudoŭnaja kniha dla maleńkich biełarusaŭ (dastaŭka amal pa ŭsim śviecie)

U Biełarusi vypuścili marožanaje sa smakam torta «Murašnik». Sprabavali?

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?