Valeryj Sachaščyk. Fota: Ofis Śviatłany Cichanoŭskaj

Valeryj Sachaščyk. Fota: Ofis Śviatłany Cichanoŭskaj

Jak skazaŭ Sachaščyk, u jaho niama infarmacyi, jak ruchajecca heta sprava, i niama navat asablivych miechanizmaŭ heta adsočvać:

«Ja zrabiŭ usio, što moh. Aficyjna, pad videakamierami, vysłaŭ usie dakumienty. I nijak bolš paŭpłyvać na hety praces [vychadu z hramadzianstva Rasii] ja nie mahu».

Pavodle palityka, sama pracedura vychadu z rasijskaha hramadzianstva i jahonaje ciapierašniaje asabistaje stanovišča nie dazvalaje hety praces paskoryć:

«Pavodle zakanadaŭstva Rasijskaj Fiederacyi, ja pavinien źjavicca asabista z pašpartam [u terytaryjalny orhan MUS u Rasii] i tam padać dakumienty. Ale ja fizična nie mahu heta zrabić, bo moj pašpart u biełaruskich kadebešnikaŭ. A kali ja źjaŭlusia ŭ Biełarusi, to naŭrad ci vyjdu adtul».

Zrešty, jaho ździŭlaje, čamu da jaho mohuć tut jašče być niejkija pretenzii:

«Ja niejak svaim žyćciom, svajoj pracaj vyklikaju sumnievy? U niekaha ŭźnikajuć zdahadki, što ja pracuju na Rasiju? Nie dumaju, što daŭ padstavu tak pra mianie kazać.

U kožnym razie, ja nie liču siabie hramadzianinam Rasii. A navat kali b chacieŭ, nie zmoh by hetaha zrabić, tamu što termin dziejańnia majho pašparta skončyŭsia bolš za dva hady tamu. I, naturalna, ja nie prykładaŭ nijakich namahańniaŭ, kab jaho pradoŭžyć.

Tamu ni ŭ mianie, ni ŭ kaho-niebudź niama ani najmienšych jurydyčnych padstaŭ ličyć mianie hramadzianinam RF», — padkreślivaje Sachaščyk.

Valeryj Sachaščyk atrymaŭ rasijskaje hramadzianstva ŭ 1992 hodzie padčas raspadu SSSR aŭtamatyčna, bo ŭ toj čas słužyŭ u vajskovaj čaści, z Rasijaj źviazanaj. Paśla jon karystaŭsia im, jak śćviardžaje, tolki dla taho, kab vieści svaje biznes-prajekty z afrykanskimi krainami, u jakich byŭ biaźvizavy režym z Rasijaj, ale nie było ź Biełaruśsiu.

Čytajcie taksama:

Śpiecsłužby pry pieratrusie znajšli ŭ Sachaščyka rasijski pašpart. Jak heta tłumačyć sam aficer? 

«Kiejs Sachaščyka»: a kolki jašče pałkoŭnikaŭ i hienierałaŭ biełaruskaj armii majuć pad paduškaj rasijski pašpart? 

Cichanoŭskaja: Sachaščyk płanuje admovicca ad rasijskaha hramadzianstva

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?