U halinie hieałohii i chimii premiju atrymali za tłumačeńnie, «čamu mnohija navukoŭcy lubiać lizać kamiani».

U halinie miedycyny — za pieralik vałasinak u nozdrach u čałaviečych trupaŭ z metaj vyśvietlić, ci adnolkavaja ich kolkaść.

U halinie fiłałohii i litaratury — za vyvučeńnie adčuvańniaŭ, jakija ŭźnikajuć u ludziej, kali jany paŭtarajuć adno i toje ž słova šmat razoŭ zapar.

U halinie mašynabudavańnia — za sproby ažyvić miortvych pavukoŭ dla vykarystańnia ich u jakaści miechaničnaha instrumienta dla zachvatu.

U halinie hramadskaj achovy zdaroŭja — za vynachodnictva «Stenfardskaha tualeta»: prybora, jaki manitoryć i chutka analizuje rečyvy, jakija vydzialajucca čałaviekam.

U halinie vyvučeńnia kamunikacyi — za daśledavańnie razumovaj dziejnaści ludziej, jakija ŭmiejuć havaryć zadam napierad.

U halinie dyjetałohii — za ekśpierymienty pa vyznačeńni taho, ci ŭpłyvajuć elektryfikavanyja pałački dla ježy i sałominki dla napojaŭ na smak ježy.

U halinie piedahohiki — za daśledavańni nudy nastaŭnikaŭ i vučniaŭ.

U halinie psichałohii — za vuličnyja ekśpierymienty, dzie vyvučali, kolki vypadkovych minakoŭ spyniajucca, kab pahladzieć uvierch, kali bačać, što chtości nieznajomy ŭžo hladzić uvierch.

U halinie fiziki Šnobieleŭskuju premiju atrymali navukoŭcy, jakija vyśviatlali, jak seksualnaja aktyŭnaść ančoŭsavych ryb upłyvaje na źmiešvańnie akijanskaj vady.

Sioleta łaŭreatam prapanoŭvałasia vykłaści sutnaść svaich daśledavańniaŭ spačatku za 24 siekundy, zatym — u siami słovach.

Ź biełarusaŭ dvojčy łaŭreatam Šnobieleŭskaj premii rabiŭsia Alaksandr Łukašenka. U 2013 hodzie Łukašenka jon atrymaŭ jaje razam ź minskaj milicyjaj. Tady padstavaj dla hetaha stała zabarona publičnych apładysmientaŭ u Biełarusi i zatrymańnie siłavikami adnarukaha čałavieka ź invalidnaściu, jakoha abvinavacili ŭ parušeńni hetaj zabarony.

U 2020 hodzie Łukašenka atrymaŭ premiju ŭ halinie miedycynskaj adukacyi razam z Uładzimiram Pucinym, Donaldam Trampam, a taksama lidaram jašče piaci dziaržaŭ.

«Uznaharoda ŭ halinie miedycynskaj adukacyi prysudžana lidaram Brazilii, Vialikabrytanii, Indyi, Mieksiki, Biełarusi, ZŠA, Turcyi, Rasii i Turkmienistana za vykarystańnie pandemii karanavirusa dla taho, kab navučyć śviet tamu, što palityki mohuć macniej upłyvać na žyćcio i śmierć, čym navukoŭcy i lekary», — zajaviŭ tady zasnavalnik premii Mark Abrachams.

Čytajcie taksama:

Sercy zakachanych, palcy i klamka, mama-kačka. Za što dali Šnobieleŭskija premii ŭ hetym hodzie

Pavodziny koški, pieravozka nasarohaŭ i prylipłaja da asfaltu humka. Za što dali sioleta Šnobieleŭskuju premiju

Šnobieleŭskaja premija — 2019: brudnyja hrošy, namahničanyja prusaki i tempieraturnaja asimietryja mašonki

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?