Fota: telehram-kanał Barysa Rožyna

Fota: telehram-kanał Barysa Rožyna

Hienierał rasijskaj armii Siarhiej Suravikin znachodzicca ŭ Ałžyry razam z delehacyjaj Ministerstva abarony Rasii. Pra heta «Kommiersantu» paviedamiła krynica ŭ atačeńni vojenačalnika.

Pajezdku Suravikina ŭ Ałžyr krynicy źviazvajuć z tym, što vajskova-palityčnaje kiraŭnictva Rasii nadaje vialikaje značeńnie ŭ ažyćciaŭleńni źniešniaj palityki ŭschodniamu kirunku.

«Vidavočna, što da Suravikina zachoŭvajecca davier na samym vysokim uzroŭni, i nie vyklučana, što pajezdka hienierała moža być źviazanaja ź jaho mahčymym pryznačeńniem na pasadu, jakaja budzie mieć dačynieńnie da pracy na ŭschodnim kirunku», — adznačyła krynica vydańnia.

U sieradu, 13 vieraśnia, fatahrafii spadara Suravikina źjavilisia ŭ akaŭncie miačeci Abd al-Chamida Ben Badzisa ŭ Aranie ŭ fejsbuku. Jak skazana ŭ paviedamleńni, «vysokapastaŭlenaja rasijskaja delehacyja» naviedała miačeć, była pryniataja jaje dyrektaram pa spravach relihij i achviaravańniaŭ i imamam.

Fota: telehram-kanał Barysa Rožyna

Fota: telehram-kanał Barysa Rožyna

Hienierał armii Siarhiej Suravikin z 8 kastryčnika 2022 hoda byŭ kamandujučym Abjadnanaj hrupoŭkaj rasijskich vojskaŭ va Ukrainie. 11 studzienia 2023 hoda Pucin źniaŭ jaho i pryznačyŭ na pasadu načalnika Hienštaba Valeryja Hierasimava. Suravikin zrabiŭsia namieśnikam kamandujučaha.

Z 24 červienia, paśla miaciažu Pryhožyna, hienierał pierastaŭ źjaŭlacca ŭ publičnaj prastory. The New York Times sa spasyłkaj na źviestki raźviedki ZŠA śćviardžała, što Suravikin viedaŭ ab padrychtoŭcy miaciažu, metaj jakoha była źmiena kiraŭnictva Minabarony RF. 22 žniŭnia miedyja sa spasyłkaj na krynicy paviedamili, što Suravikin vyzvaleny ad pasady hałoŭnakamandujučaha PKS RF. Paviedamlałasia, što jon navat moh być aryštavany.

4 vieraśnia źjavilisia fatahrafii hienierała, zroblenyja ŭ Maskvie.

Čytajcie taksama:

Hienierała Suravikina ŭpieršyniu pabačyli na publicy paśla miaciažu Pryhožyna

Stała viadoma, chto zamienić hienierała Suravikina

Rasijskamu hienierału Suravikinu zahadali maŭčać i źmiaścili pad chatni aryšt — Politico

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?