Cichanoŭskaja i Zialenski ŭ mai sustrakalisia ŭ Aachienie na ŭručeńni premii Karła Vialikaha. Prezident Ukrainy pacisnuŭ ruku biełaruscy.
Pra heta «Pozirku» paviedamiŭ hałoŭny daradca palityka Franak Viačorka.
Asnoŭnaj metaj vizitu ŭ ZŠA stanie ŭdzieł u mierapryjemstvach Hienieralnaj Asamblei AAN.
Pavodle słoŭ Viačorki, u Ńju-Jorku ŭ Cichanoŭskaj zapłanavany sustrečy z palityčnymi lidarami i ministrami zamiežnych spraŭ šeraha dziaržaŭ. Taksama jana voźmie ŭdzieł u arhanizavanaj delehacyjaj ES pry AAN dyskusii na temu niezaležnaści i suvierenitetu Biełarusi.
U ZŠA Cichanoŭskaja praviadzie pieramovy z namieśnikam dziaržsakratara ZŠA ŭ pytańniach hramadzianskaj biaśpieki, demakratyi i pravoŭ čałavieka Uzraj Ziejaj, pamočnikam dziaržsakratara ŭ pytańniach Jeŭropy i Jeŭrazii Jury Kim, namieśnikam administratara Ahienctva ZŠA pa mižnarodnym raźvićci (USAID) Izabel Koŭłman.
Płanujucca taksama sustrečy z prezidentam Hvatemały Alechandra Džamatei i ministram zamiežnych spraŭ Finlandyi Elinaj Vałtanien.
Viačorka patłumačyŭ, u čym važnaść vizitu Cichanoŭskaj u Jeŭraparłamient i na Hienasambleju AAN
