Pa materyjałach spravy, vadziciel MAZa 20 lutaha 2023 hoda kala 14:55 pry pieravozcy hruzu ŭ Smalavickim rajonie straciŭ mahčymaść kiravańnia i vyjechaŭ na pałasu sustrečnaha ruchu. Samazvał sutyknuŭsia z maršrutnym mikraaŭtobusam Citroen, jaki jechaŭ nasustrač.

U vyniku DTZ, jakoje adbyłosia 20 lutaha, vadziciel mikraaŭtobusa i 12 pasažyraŭ, ź ich dvoje dziaciej 2009 i 2011 hadoŭ naradžeńnia, zahinuli, siami pasažyram naniesieny ciažkija cialesnyja paškodžańni. 

MAZ, jaki, zhodna z materyjałami spravy, byŭ technična niaspraŭnym, naležyć filijału «Aŭtamabilny park №20» AAT «Minabłaŭtatrans» (Červień). Pra adkaznaść jaho kiraŭnictva ničoha nie paviedamlajecca. 

Abvinavačany poŭnaściu pryznaŭ svaju vinu, piša BIEŁTA. 

Šmatlikija iskavyja patrabavańni ab spahnańni kampiensacyi maralnaj škody, a taksama patrabavańni ab spahnańni raschodaŭ na akazańnie jurydyčnaj dapamohi buduć pieradadzieny na razhlad u paradku hramadzianskaha sudavodstva.

Pryhavor nie ŭstupiŭ u siłu, jon moža być abskardžany i apratestavany.

Čytajcie taksama:

Jak ciapier vyhladaje daroha pad Smalavičami, dzie ŭ DTZ zahinuli 13 pasažyraŭ maršrutki FOTA

MAZ byŭ biez techahladu, maršrutka pierapoŭnienaja, školny aŭtobus złamaŭsia. Novyja akaličnaści strašnaj avaryi pad Smalavičami

Za parušeńni pravił pieravozki pasažyraŭ buduć zabirać mašyny

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?