Alaksiej Kuźmin na sudzie 11 vieraśnia. Fota: sb.by

Alaksiej Kuźmin na sudzie 11 vieraśnia. Fota: sb.by

Niahledziačy na toje, što ŭ lipieni palitviazień vymušana daŭ prapahandystam intervju z «pakajańniami», jaho ŭsio adno sudzili za «dapamohu ŭ raspalvańni inšaj sacyjalnaj varožaści hrupaj asob» i «aktyŭny ŭdzieł u dziejańniach, jakija hruba parušajuć hramadski paradak». A prysud nie adroźnivajecca ad tych, jakija zvyčajna vynosiacca pa padobnych abvinavačvańniach.

Alaksieja zatrymali 26 kastryčnika 2022 hoda i źmiaścili pad vartu. Zhodna ź viersijaj abvinavačańnia, z 9 žniŭnia 2020 hoda da 8 krasavika 2021 hoda jon, zajmajučy pasadu načalnika adździeła sistem pradbilinhu i taryfikacyi kiravańnia telekam-rašeńniaŭ Departamienta infarmacyjnych technałohij STAA «MTS» i majučy dostup da asabistaj infarmacyi klijentaŭ apieratara mabilnaj suviazi, «źlivaŭ» jaje ŭ telehram-kanały «Čornaja kniha Biełarusi», «Karniki Biełarusi», «Vsie narušienija!».

Pa spravie prachodzili nie mienš za 57 «paciarpiełych»: siłaviki, praŭładnyja žurnalisty, čynoŭniki, sudździ, prakurory i členy ich siemjaŭ. Siarod ich — prapahandystka Ludmiła Hładkaja, deputat Siarhiej Kliševič, praŭładny biznesmien Jaŭhien Aleksiajuk.

Taksama palitviaźnia sudzili za ŭdzieł u akcyi pratestu, dokazam jakoha źjaŭlajecca jahony fotazdymak na darozie.

Na sudzie Alaksiej vinu pryznaŭ całkam i «raskajaŭsia» ŭ ździejśnienym. Spravu razhladaŭ sudździa Siarhiej Chrypač.

Čytajcie taksama:

Za biełaruskuju simvoliku zatrymali dvuch fanataŭ chakiejnaha kłuba «Mahiloŭ»

Na miažy zatrymali byłoha palitviaźnia i žurnalista z Drahičyna Siarhieja Hardzijeviča

U Haradku aryštavali rasijanina za našeńnie kiepki z Pahoniaj

Клас
4
Панылы сорам
5
Ха-ха
0
Ого
0
Сумна
4
Абуральна
20