Supracoŭniki HUBAZiK praviali pieratrus u kvatery raniej sudzimaha za zabojstva žychara Homiela Siarhieja Drožžy. U kvatery byŭ znojdzieny adzin bojeprypas da aŭtamata Kałašnikava.

Pavodle źviestak śledstva, aŭtamatny patron byŭ uviezieny ŭ Biełaruś u 2022 hodzie paśla «zarobkaŭ u Maryupali». Mužčynu pradjaŭlena abvinavačvańnie ŭ zachoŭvańni bojeprypasu, pravozie jaho praź dziaržaŭnuju miažu, i jon byŭ źmieščany ŭ SIZA.

Maksimalnaje pakarańnie, jakoje pahražaje homielcu, — 7 hadoŭ pazbaŭleńnia voli.

Pa jakoj pryčynie supracoŭniki HUBAZiK pravodzili pieratrus u kvatery hamialčanina praz taki praciahły pieryjad paśla viartańnia z Maryupala, nie paviedamlajecca.

Ciapier u Homielskaj vobłaści prachodzić razhlad tolki adnoj kryminalnaj spravy pavodle adpaviednych artykułaŭ.

Vypiska z raskładu suda Čyhunačnaha rajona Homiela

Vypiska z raskładu suda Čyhunačnaha rajona Homiela

Da hetaha ŭ traŭni 2023 hoda ŭ Dobrušskim rajonie z ahniastrelnaj zbrojaj i bojeprypasami byli zatrymanyja dvoje rasijan. Niahledziačy na toje, što mužčyny niezakonna pierasiekli miažu sa zbrojaj, sud pakaraŭ ich tolki niekalkimi miesiacami aryštu.

Čytajcie taksama:

U Rahačovie mužčyna chacieŭ zdać u milicyju pistalet, ale zdaŭ i znajomaha

Vaśmihadovy chłopčyk kuplaŭ u darknecie AK-47 i admyvaŭ hrošy dla złačyncaŭ

Pad Baranavičami viaskoviec kapaŭ aharod i vykapaŭ francuzski kulamiot

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?