Skrynšot ź videa

Skrynšot ź videa

«Ja prašu Arhanizacyju Abjadnanych Nacyj zachavać Biełaruś u liku pryjarytetaŭ i vykarystoŭvać usie najaŭnyja srodki, kab damahčysia vyzvaleńnia palityčnych źniavolenych.

Ja zaklikaju sudy AAN pačać razbor suprać režymu ŭ Minsku. Taksama zaklikaju Radu Biaśpieki AAN uklučyć u paradak dnia Biełaruś, kab abmierkavać pytańnie ab raźmiaščeńni jadziernaj zbroi i pramoj pahrozie našaj niezaležnaści.

Biełaruś maje patrebu ŭ vašaj nieadkładnaj uvazie i dziejańni. Heta losavyznačalny momant u historyi, i ja prašu suśvietnuju supolnaść padtrymać nas u baraćbie za samo isnavańnie našaj krainy i naroda», — padkreśliła Cichanoŭskaja.

Taksama jana adznačyła, što biełaruskaja dziaržava nie vykonvaje svaich abaviazkaŭ pierad hramadzianami, a Łukašenka nie pradstaŭlaje biełaruski narod, tamu jon i jaho pamahatyja pavinny być vyklučanyja z forumaŭ AAN.

Akramia taho, siońnia Śviatłana Cichanoŭskaja abmierkavała biełaruskija prablemy padčas sustreč ź ministrami zamiežnych spraŭ Ałbanii, Estonii, Finlandyi, Partuhalii, Isłandyi, Bielhii i Niderłandaŭ, namieśnicaj dziaržsakratara ZŠA i hienieralnaj sakratarkaj Rady Jeŭropy.

Taksama jana ŭziała ŭdzieł u sajd-ivencie pa roli žančyn u palitycy, pytańniach klimatu i ekanomiki i prysutničała na vystupleńni na Hienieralnaj Asamblei AAN prezidenta Ukrainy Uładzimira Zialenskaha.

Čytajcie taksama:

Śviatłana Cichanoŭskaja sustrełasia ŭ Ńju-Jorku ź lidarami habrejskaj supolnaści 

Cichanoŭskaja znachodzicca na Hienasamblei AAN u Ńju-Jorku. Jana sustrełasia ź vice-prezidentkaj Microsoft

Biełaruś z hrupaj dyktatarskich režymaŭ sprabavała praz AAN asudzić sankcyi suprać siabie. Ale navat Kitaj nie padtrymaŭ

Za kulisami Hienasamblei AAN: voś jak Łukašenka prajhraŭ Słavienii 38:153

Клас
35
Панылы сорам
4
Ха-ха
2
Ого
1
Сумна
1
Абуральна
2