Džo Bajden sustreŭsia ŭ aŭtorak ź lidarami Kazachstana, Kyrhyzstana, Tadžykistana, Turkmienistana i Uźbiekistana na prezidenckim samicie ŭ farmacie S5+1. Fota: USApoRusski / Twitter
U zajavie administracyi havorycca, što prezidenty «abmierkavali šerah pytańniaŭ, u tym liku biaśpieku, handal i inviestycyi, rehijanalnyja ŭzajemasuviazi, nieabchodnaść pavahi suvierenitetu i terytaryjalnaj cełasnaści ŭsich krain, a taksama biahučyja reformy dla palapšeńnia kiravańnia i viaršenstva zakona».
Džo Bajden padzialiŭsia z kalehami pohladami na toje, jak ZŠA i krainy Centralnaj Azii «mohuć pracavać razam dla dalejšaha ŭmacavańnia suvierenitetu, ustojlivaści i roskvitu krain Centralnaj Azii, a taksama dla abarony pravoŭ čałavieka» ŭ ramkach partniorstva C5+1.
Bajden taksama padziakavaŭ kiraŭnikam centralnaazijackich dziaržaŭ za «partniorski padychod u vyrašeńni prablem rehijanalnaj biaśpieki i zajaviŭ ab svajoj prychilnaści pradaŭžeńniu supracoŭnictva ŭ pytańniach zabieśpiačeńnia biaśpieki hranic, baraćby z teraryzmam i pravaachoŭnaj dziejnaści», havorycca ŭ pres-relizie Biełaha doma.
Na samicie taksama abmiarkoŭvałasia stvareńnie bolš spryjalnaha dziełavoha asiarodździa dla handlu i inviestycyj šlacham stvareńnia biznes-płatformy pryvatnaha siektara, jakaja budzie dapaŭniać dypłamatyčnuju płatformu C5+1.
Złučanyja Štaty taksama prapanavali ŭ ramkach farmatu S5+1 pačać dyjałoh ab zdabyčy karysnych vykapniaŭ dla asvajeńnia vializnych minieralnych bahaćciaŭ Centralnaj Azii. Hetyja namahańni — častka praciahłaj padtrymki ZŠA dziela pryciahnieńnia inviestycyj i raźvićcia Transkaśpijskaha handlovaha šlachu z dapamohaj Partniorstva pa hłabalnaj infrastruktury i inviestycyjach, jakoje dapamoža ablahčyć rehijanalnuju ekanamičnuju intehracyju i ŭstojlivaść.
C5+1 — płatforma dla sumiesnych dziejańniaŭ pa rašeńni ahulnych prablem Złučanych Štataŭ i piaci dziaržaŭ Centralnaj Azii. Jana dapaŭniaje dvuchbakovyja adnosiny ŭ rehijonie, asabliva ŭ śfierach, u jakich rehijanalny padychod moža dać adnosnyja pieravahi.
Čytajcie taksama:
Što takoje Nahorny Karabach i što armianie z azierbajdžancami tam dzielać
U Armienii zatrymali prarasijskaha błohiera i žurnalista «Sputnika»
