Fota: Minlashas
Pažar tušyli kala 40 supracoŭnikaŭ Dziśnienskaha lashasa, paviedamlaje Ministerstva lasnoj haspadarki. Pry tušeńni vykarystoŭvalisia 6 motapompaŭ, bolš za 2 km napornych pažarnych rukavoŭ.
Składanaść była ŭ tym, što ačah uzharańnia znachodziŭsia ŭ 7 km ad bližejšych padjaznych šlachoŭ. Tamu dastaŭlać abstalavańnie i invientar rabotnikaŭ lashasa daviałosia pry dapamozie bałotachoda na pnieŭmatyčnym chadu.
Ciapier pažar likvidavany. Pravodzicca jaho akaravulvańnie.
Minlashas miarkuje, što pryčynaj pažaru ź vialikaj dolaj vierahodnaści moh być čałaviečy faktar.
U jakaści asnoŭnych viersij pažaru nazyvajuć nieaściarožnaje abychodžańnie z ahniom z boku rybakoŭ (u niepasrednaj blizkaści znachodzicca voziera) albo jahadnikaŭ (u razhary žuravinavy siezon).
Bałotu Jelnia bolš za 9 tysiač hadoŭ. Heta samaje vialikaje vierchavoje bałota ŭ Biełarusi i piataje pa vieličyni ŭ Jeŭropie.
