Ahulnaja płošča — 373 kvadraty. U domie zroblena niekalki teras, uładalniki jašče darablajuć bałkon na druhim paviersie.

Cokal maje dva ŭvachody. Tam raźmiaścilisia topačnaja, dapamožnaje pamiaškańnie i vialikaja prastora pad haraž na niekalki mašyn. Śpiecyjalny asfaltavany zajezd užo zrobleny.

Na pieršym paviersie — vialikaja kuchnia-haścioŭnia z druhim śviatłom. Vokny tut vychodziać na dvor.

U inšaj častcy doma znachodziacca dapamožnaje pamiaškańnie, vialiki sanvuzieł z dušam i saunaj.

Na druhim paviersie ŭparadkavana spalnia z vychadam na bałkon, kabiniet i sanvuzieł.

Dom poŭnaściu meblavany i abstaŭleny bytavoj technikaj. U azdableńni pieravažna vykarystoŭvałasia dreva. Aciaplajucca pamiaškańni z dapamohaj hazavaha katła. U haścinaj padtrymlivaje ciapło kamin, zrobleny ciopłyja vadzianyja padłohi ź indyvidualnym rehulavańniem u kožnym pakoi. Vada pastupaje sa śvidraviny, kanalizacyja — miascovaja.

Učastak ź nievialikim pierapadam vyšyń zajmaje 20 sotak. Pa pierymietry jon abharodžany płotam, uzdoŭž jaho haspadary pasadzili chvoi. Na terytoryi vykapany dźvie sažałki sa stronhaj i lilejami.

Dom kaštuje 269 tysiač dołaraŭ.

Čytajcie taksama:

Jak vyhladaje interjer za 100 tysiač dalaraŭ u nievialikaj kvatery ŭ Minsku

U Drazdach pradajuć katedž pa šalonaj canie. Što ŭ im?

Jak za 10 hadoŭ źmianilisia ceny na nieruchomaść u Minsku: paraŭnoŭvajem, što pryniesła najbolšuju vyhadu

Клас
4
Панылы сорам
7
Ха-ха
4
Ого
2
Сумна
1
Абуральна
1