Fota: Fatima Shbair / AP

Fota: Fatima Shbair / AP

Adzinaja elektrastancyja ŭ siektary Haza, jakaja zabiaśpiečvaje žycharoŭ ankłava elektraenierhijaj, moža zastacca biez dyzielnaha paliva na praciahu niekalkich dzion, havorycca ŭ zajavie AAN, piša Bi-bi-si.

Poŭny błekaŭt moža pastavić pad pahrozu žycharoŭ — u siektary Haza pražyvaje kala 2,3 młn čałaviek.

Siektar u značnaj stupieni zaležyć ad Izraila, jaki ŭ niadzielu całkam spyniŭ pastaŭki.

Zvyčajna Haza zakuplaje ŭ Izraila 120 MVt elektraenierhii ŭ dzień, a jaje adzinaja elektrastancyja, jakaja pracuje na dyzielnym palivie (jakoje taksama pastupała ź Izraila) vyrablaje jašče 60 MVt.

U paviedamleńni AAN taksama havorycca, što ŭ siektary Haza ŭ vyniku bajavych dziejańniaŭ pieramieščana bolš za 123 tysiačy paleścincaŭ.

«Bajavyja dziejańni pryviali da ŭnutranaha pieramiaščeńnia nasielnictva. Bolš za 17 500 siemjaŭ, u jakich pražyvaje 123 538 čałaviek, stali vymušanymi pierasialencami ŭ Hazie, u asnoŭnym z-za strachu, prablem ź biaśpiekaj i razbureńnia damoŭ», — zajaŭlajuć u arhanizacyi.

Pa danych AAN, izrailskija avijaŭdary nanosiacca ŭ tym liku pa žyłych damach, u niekatorych vypadkach — biez papiaredžańnia žycharoŭ ab evakuacyi.

«U horadzie Haza byli całkam razburanyja čatyry bujnyja žyłyja šmatpaviarchoviki. [ … ] Pa najaŭnych danych, u hetych vypadkach izrailskija vojski zahadzia papiaredžvali ab niebiaśpiecy, i zahinułych u vyniku hetych incydentaŭ nie było. Pa danych Ministerstva hramadskich rabot i žyllovaha budaŭnictva Hazy, 159 budynkaŭ było razburana, a 1210 atrymali surjoznyja paškodžańni».

Čytajcie taksama:

Kroŭ i ahoń. Strašnyja FOTY ź Izraila i Hazy

Piakielnyja kadry. Što ciapier adbyvajecca ź siektaram Haza

Vajenna-palityčny kabiniet Izraila ŭvioŭ punkt «40 alef». Heta aznačaje aficyjnaje abviaščeńnie vajny

Клас
7
Панылы сорам
2
Ха-ха
2
Ого
1
Сумна
2
Абуральна
1