Tomaš Hryhuč Tomasz Gryguć

Tomaš Hryhuć ličyć, što Polšča pieratvaryłasia ŭ vasała Ukrainy. Skrynšot videa beltavideo / YouTube

Biełaruskaje infarmacyjnaje ahienctva BiełTA ŭ svaim jutub-kanale raźmiaściła intervju z polskim błohieram Tomašam Hryhuciem (Tomasz Gryguć). BiełTA nazyvaje jaho «Hryhučam».

Hryhuć śćviardžaje, što apošnija prezidenckija vybary ŭ ZŠA byli sfalsifikavanyja, i pra heta «viedaje ŭvieś śviet, ale nie choča havaryć uhołas». Nasamreč, vybary nie byli sfalsifikavanyja, a padlik hałasoŭ byŭ sumlenny, što paćviardziłasia pry pierapadliku.

Ciapier, naparedadni novych vybaraŭ «u vybarčaj baraćbie Bajden-Tramp šancy ŭ Trampa ŭzrastajuć, — miarkuje palak. — Administracyi treba było pryniać rašeńnie, što im rabić z Ukrainaj. Ukraina — heta abuza ŭ kampanii. Tak što ci adsuniem jaje ŭbok ci praciahniem mocna nahniatać suprać Rasii. Chutčej za ŭsio, takoje rašeńnie pryniataje. Jany buduć nahniatać.

A kali nahniatać, to zrobiać usio dla taho, kab finansavaja nahruzka lahła na plečy amierykanskich vasałaŭ, a nie amierykanskaha biudžetu. Tamu Polšča budzie nabyvać zbroju, davać jašče bolš hrošaj. Ja dumaju, Polšča — samy bujny donar Ukrainy. My, faktyčna, vasały», — zajaŭlaje Hryhuć.

«Vy razumiejecie, braty-biełarusy, braty-ruskija, što zrabili z Polščaj? My — vasały Ukrainy. Vy razumiejecie maštab našaha padzieńnia? — narakaje Hryhuć. — Ja patryjot, lublu Polšču, jak vy lubicie Biełaruś. I kali my bačym, što adbyvajecca, što jany zrabili z Polščaj, to balić serca. My pieratvarylisia ŭ vasałaŭ čornaj dzirki Jeŭropy».

Tomaš Hryhuć skončyŭ fakultet pałanistyki Varšaŭskaha univiersiteta, pracavaŭ žurnalistam i ŭ PR-industryi. U Polščy jon bolš viadomy pad svaim błohierskim nikam Pan Nikt (Spadar Nichto). Pad hetym psieŭdanimam Hryhuć drukuje knihi i takuju nazvu maje jaho kanał u jutubie, dzie bolš za 45 tysiač padpisčykaŭ.

Hryhuć viadomy svaimi krajnie antyukrainskimi vykazvańniami, jakija zvyčajna paŭtarajuć tezisy rasijskaj prapahandy. Hryhuć z pačatku hetaha hoda źjaŭlajecca pastajannym hościem roznych prapahandysckich prahram u biełaruskich dziaržaŭnych ŚMI.

Čytajcie jašče:

Prapahandyscki resurs apublikavaŭ śpis atrymalnikaŭ hrantaŭ Niamieckaha fondu Maršała za 2018—2019 hady

Ułady Hrodna chvalacca, što da ich pryjechała «delehacyja Padlašskaha vajavodstva». Nasamreč heta marhinały

U Homieli prapahanda stvaryła kibierpiensijanierku, kab chvaliła žyćcio pry Łukašenku

Клас
4
Панылы сорам
17
Ха-ха
6
Ого
0
Сумна
2
Абуральна
9

Chočaš padzialicca važnaj infarmacyjaj ananimna i kanfidencyjna?