Častka śpisu žančyn, jakaja źnikli ŭ Izraili

Častka śpisu žančyn, jakaja źnikli ŭ Izraili

Mnohija biełaruskija kanały paviedamili pra toje, što ŭ Izraili zhubiłasia 22-hadovaja Lizavieta Prudnikava, jakaja rodam ź Mikaševič. Byccam by jana była siarod udzielnikaŭ fiestyvalu Nova, na jaki ŭvarvalisia bajaviki CHAMASa.

Dziaŭčyna sama vyjšła na suviaź u niekatorych fejsbuk-supołkach i paprasiła prybrać infarmacyju, bo heta niapraŭda. Jana napisała, što ŭ biaśpiecy, a imia jaje zhadvałasia, bo jana šukała svajačku, hramadzianku Izraila.

Błytanina adbyłasia tamu, što imiony ludziej u śpisie (vydzielenyja tłustym) napisanyja pa-jaŭrejsku. Źnizu, łacinkaj, napisanaje imia čałavieka, jaki šukaje źnikłaha i jahony kantaktny telefon.

U śpisie zhublenych — svajačka pa maci Lizaviety, Karyna Prytyka. Joj 23 hady i jana sapraŭdy była na fiestyvali Nova. Na staroncy ŭ fejsbuku paznačana, što Karyna žyvie ŭ izrailskim horadzie Roš-cha-Ain.

Karyna Prytyka. Fota: jaje staronka ŭ Facebook

Karyna Prytyka. Fota: jaje staronka ŭ Facebook

«Naša Niva» napisała niekatorym svajakam Karyny, ale adkazu pakul nie atrymała.

Nakolki viadoma, dziaŭčynu jašče nie adšukali. Uvohule, źnikłymi bieź źviestak ličacca niekalki dziasiatkaŭ udzielnikaŭ fiestyvalu. Na miescy jaho praviadzieńnia znajšli nie mienš za 260 ciełaŭ maładych ludziej, rasstralanych bajevikami CHAMAS.

Čytajcie taksama:

240 ciełaŭ znojdzienyja na miescy praviadzieńnia muzyčnaha fiestyvalu paśla rejdu paleścincaŭ — ŚMI

Historyk: Paleścinskija terarysty — heta tyja ž «palityki ź jajcami», jakich my bačym u svaim rehijonie

Źjaviłasia videa z hrupaj dziaŭčat, uziatych u zakładnicy bajevikami CHAMAS

Клас
3
Панылы сорам
5
Ха-ха
0
Ого
0
Сумна
38
Абуральна
4