Były futbalist «Čełsi» i madrydskaha «Reała» vyrašyŭ zaviaršyć prafiesijnuju karjeru.

«Treba ŭmieć słuchać i kazać «stop» u patrebny momant. Paśla 16 hadoŭ i bolš za 700 zhulanych matčaŭ ja vyrašyŭ skončyć svaju prafiesijnuju futbolnuju karjeru. Ja ažyćciaviŭ svaju maru hulać pa ŭsioj Jeŭropie i śviecie.

Za svaju karjeru ja paznajomiŭsia z vydatnymi ludźmi, mieniedžarami, trenierami, tavaryšami pa kamandzie. Asabliva chaču padziakavać kłubam, u jakich ja hulaŭ: «Lil», «Čełsi» i «Reał Madryd». Viadoma ž, chaču padziakavać zbornaj Bielhii.

Dla raźvitalnaha fota Azar abraŭ futbołku zbornaj Bielhii. Fota ź jaho instahrama

Dla raźvitalnaha fota Azar abraŭ futbołku zbornaj Bielhii. Fota ź jaho instahrama

Asablivaje dziakuj maim rodnym, siabram, daradcam i ludziam, jakija byli sa mnoj u dobryja i drennyja pieryjady žyćcia. Vialiki dziakuj vam, maje fanaty, jakija sačyli za mnoj na praciahu ŭsich hetych hadoŭ, za vašu padtrymku ŭ kožnaj krainie, dzie ja hulaŭ. Pryjšoŭ čas atrymlivać asałodu ad baŭleńnia času ź lubimymi i atrymlivać novyja ŭražańni. Chutka ŭbačymsia pa-za polem», — napisaŭ Azar u svajoj sacyjalnaj sietcy.

Eden Azar pačaŭ karjeru ŭ francuzskim «Lili», siem hadoŭ pravioŭ u «Čełsi» (2012—2019), dzie staŭ zorkaj jeŭrapiejskaha futboła. Za łondanski kłub jon zhulaŭ 245 matčaŭ, zabiŭ 85 hałoŭ.

A voś pierachod u madrydski «Reał» u 2019 hodzie, zdajecca, byŭ pamyłkaj. Jon časta traŭmavaŭsia, hublaŭ miesca ŭ asnoŭnym składzie kłuba, litaralna našpihavanym zorkami. U vyniku pravioŭ za karaleŭskuju kamandu za čatyry hady ŭsiaho 54 pajadynki i zabiŭ 4 miačy.

Za zbornuju Bielhii zhulaŭ 126 matčaŭ, zabiŭ 33 hały.

Čytajcie taksama:

Čempijanat Jeŭropy pa futbole — 2032 projdzie ŭ Italii i Turcyi

Žonka Biekchema sprabavała raskazać pra pachodžańnie z rabočaha kłasa. Devid dacisnuŭ, i jana skazała praŭdu

Forvard «Barsiełony» pajšoŭ u prybiralniu padčas matča Lihi čempijonaŭ i nie viarnuŭsia na pole. Pryjšłosia rabić zamienu

Клас
2
Панылы сорам
1
Ха-ха
0
Ого
0
Сумна
3
Абуральна
0