Termin čaćviortaha administracyjnaha aryštu pavinien byŭ skončycca 9 kastryčnika, ale zamiest voli Michaił Łapunoŭ čarhovy raz byŭ asudžany pa častcy 2 artykuła 19.11 KaAP Biełarusi «Raspaŭsiudžvańnie infarmacyjnaj pradukcyi, uklučanaj u respublikanski śpis ekstremisckich materyjałaŭ, a taksama vyrab, vydańnie, zachoŭvańnie abo pieravozka z metaj raspaŭsiudžvańnia takoj infarmacyi».

Sudździa Alesia Osipava znoŭ pryznała mužčynu vinavatym u raspaŭsiudzie «ekstremisckich» materyjałaŭ i pryznačyła novaje pakarańnie ŭ vyhladzie 15 sutak administracyjnaha aryštu.

Padtrymać źniavolenaha Michaiła Ryhoraviča Łapunova možna paštoŭkami i listami, dasłaŭšy ich na adras: IČU, vuł. Mižharodniaja, d. 26, h. Homiel, 246144.

Syn Michaiła — Mikita — ci nie najmaładziejšy z zatrymanych u vyniku pratestaŭ 2020 hoda. Na toj momant 16-hadovaha Mikitu, chvoraha na epilepsiju, abvinavacili ažno pavodle troch artykułaŭ Kryminalnaha kodeksa i asudzili na 5 hadoŭ vychavaŭčaj kałonii.

Paźniej na chłopca zaviali jašče adnu kryminalnuju spravu — za toje, što jon nibyta napaŭ na supracoŭnika SIZA i pahražaŭ jaho rodnym.

Ahulny termin pakarańnia dla Mikity skłaŭ 4 hady i 6 miesiacaŭ vychavaŭčaj kałonii.

Čytajcie taksama:

U Vierchniadźvinsku dali vialiki štraf za fota ŭ tyndary

U Śvietłahorskim rajonie zatrymali dvuch bratoŭ za zamienu łukašenkaŭskaha ściaha na ŭkrainski

«Skazała, što choča, kab mianie pabili». Biełarusa zdała HUBAZiKu byłaja dziaŭčyna, dasłaŭšy jahonaje fota z pratestaŭ

Клас
0
Панылы сорам
2
Ха-ха
0
Ого
0
Сумна
1
Абуральна
11