Akcyja, na jakuju hramadzian Turcyi vyjści zaklikaŭ asabista prezident krainy, prachodzić na terytoryi aeraporta Ataciurk. Pavodle acenak, tam sabralisia «sotni tysiač čałaviek». Tureckija ŭłady zajaŭlajuć, što na akcyju vyšli kala 1,5 miljona čałaviek.

Na mitynhu vystupiŭ i sam Redžep Taip Erdahan. Jon zajaviŭ, što Turcyja rychtujecca da taho, kab «pradstavić Izrail śvietu jak vajennaha złačyncu». Jon taksama nazvaŭ Izrail «akupantam» i zajaviŭ, što Ankara «ničoha nie vinnaja» Ijerusalimu.

«Tyja, chto pralivaje krakadziłavyja ślozy pa mirnych žycharach, jakija zahinuli va ŭkrainska-rasijskaj vajnie, moŭčki nazirajuć za hibiellu tysiač niavinnych dziaciej u siektary Haza», — pieradaje słovy prezidenta Turcyi ahienctva «Anadołu».

Nieŭzabavie paśla hetaha kiraŭnik MZS Izraila Eli Koen paviedamiŭ, što na fonie rezkich zajaŭ Erdahana viedamstva rasparadzicca «viarnuć dypłamatyčnych pradstaŭnikoŭ, jakija znachodziacca ŭ Turcyi, z metaj pravieści pieraacenku izrailska-tureckich adnosin».

Клас
7
Панылы сорам
8
Ха-ха
0
Ого
5
Сумна
1
Абуральна
14