Zdymak ilustracyjny. Fota: ahienctva «Vajar»

Zdymak ilustracyjny. Fota: ahienctva «Vajar»

6-ja asobnaja miechanizavanaja bryhada (horad Hrodna)

U čas ustanoŭki žorstkaj sčepki pamiž BREM-Č (braniavanaja ramontna-evakuacyjnaja mašyna) i BTS-4 (husieničny braniravany ciahač), miechanik-kiroŭca BTS-4, nie zahłušyŭšy ruchavik i nie pastaviŭšy ryčah pieraklučeńnia pieradač na niejtralnaje stanovišča, adpuściŭ piedal sčapleńnia i najechaŭ na dvuch vajskoŭcaŭ, jakija apynulisia pamiž mašynaj i sčepkaj.

U vyniku najezdu praparščyk i radavy-kantraktnik atrymali spałučanyja traŭmy hałavy, hrudziej, žyvata, chrybietnika, lohkich.

11-ja asobnaja miechanizavanaja bryhada (horad Słonim Hrodzienskaj vobłaści)

U čas pahruzki na trał BMP-2 (bajavaja mašyna piachoty) pry vyraŭnoŭvańni mašyny jana pierakuliłasia, u vyniku čaho radavy terminovaj słužby atrymaŭ drapiny, padskurnyja hiematomy abiedźviuch ciemiannych abłaściej, paškodžańni pravaha łokcievaha sustava i miakkich tkanak abiedźviuch ściohnaŭ.

336-ja reaktyŭnaja artyleryjskaja bryhada (horad Asipovičy Mahiloŭskaj vobłaści)

Na zaniatkach pa ahniavoj padrychtoŭcy, vykonvajučy pieršaje praktykavańnie (kidańnie hranaty RHD-5), navučeniec trapiŭ hranataj u vierchniuju častku ścienki aharodžy akopa, jakaja, adskočyŭšy, upała va ŭłoŭnik hranat. Kapitan, jaki kiravaŭ zaniatkami, zakryŭšy vajskoŭca na śpiecyjalna abstalavanaj placoŭcy, straciŭ raŭnavahu i zvaliŭsia ŭ levaje schovišča, pry hetym atrymaŭšy askołačnyja ranieńni i vybuchovuju traŭmu miakkich tkanak levaj jahadzicy i levaha ściahna.

11-ja asobnaja miechanizavanaja bryhada (horad Słonim Hrodzienskaj vobłaści)

U čas inžyniernaha abstalavańnia rajona raźmiaščeńnia pry kapańni schovanki dla techniki z vykarystańniem PZM-2 (pałkavaja ziemlaryjnaja mašyna) dreva, jakoje znachodziłasia pablizu ścienki akopa, z-za miakkaha hruntu i mocnaha paryvu vietru ŭpała na pałatku, u jakoj znachodziŭsia vajskoviec terminovaj słužby. U vyniku vajskoviec atrymaŭ traŭmy chrybietnika. Dreva ŭpała na pałatku tamu, što jamu vykapali zanadta blizka ad jaho.

120-ja asobnaja miechanizavanaja bryhada (Uručča, horad Minsk)

U čas pieramiaščeńnia na miažu razhortvańnia pry ŭvachodzie na pavarot darohi pierakuliłasia BRDM (braniavanaja raźviedvalna-dazornaja mašyna), u vyniku čaho małodšy siaržant, jaki prachodziŭ terminovuju słužbu, atrymaŭ spałučanyja traŭmy pazvanočnika, taza, kaniečnaściaŭ.

Vajskovaja akademija Respubliki Biełaruś

Pieraadolvajučy niaroŭnaści darohi na zaniatkach pa kiravańni (tanka) T-72, instruktar pa kiravańni radavy terminovaj słužby, stuknuŭsia pravym vokam ab prybor nazirańnia i atrymaŭ strasieńnie hałaŭnoha mozha, pierałom kostak čerapa i roznyja paškodžańni voka.

120 asobnaja miechanizavanaja bryhada (Uručča, horad Minsk)

Pry vyvadzie mašyny sa schovišča vierchniaja piatla pravaj častki varot adarvałasia, i varoty ŭpali na staršaha lejtenanta, u vyniku čaho jon atrymaŭ traŭmy patyličnaj i pajaśničnaj abłaściej, pravaj halonki, paškodžańni miakkich tkanak levaha ściahna, levaj nahi i hrudnoj kletki.

2-ja inžyniernaja bryhada (horad Minsk)

Pry absłuhoŭvańni zapornaha prystasavańnia samazvała MAZ-551605 mižvolna ŭpaŭ draŭlany brusok, jaki ŭtrymlivaje zadni bort, u vyniku čaho radavy terminovaj słužby atrymaŭ traŭmu patyličnaj častki hałavy.

Akramia taho, u toj ža pieryjad u čas zaniatkaŭ pa fizičnaj padrychtoŭcy vajskoŭcami atrymanyja 1 pierałom, 1 vyvich, 1 traŭma. Pry praviadzieńni haspadarčych rabot — 3 pierałomy i 1 kołataja rana. U pracesie absłuhoŭvańnia techniki — 1 irvanaja rana i 1 traŭma. Pry vykanańni zadač achoŭvańnia i patrulavańnia — 2 pierałomy i 1 ukus badziažnaha sabaki. Pry inšych abstavinach — 1 pierałom, 2 vypadki straty prytomnaści i 3 traŭmy.

Čytajcie taksama:

Prapahandysty tryumfujuć: armija Biełarusi — 12-ja ŭ śviecie. Ale jość niuans

Chrenin u Kitai zajaviŭ, što adnosiny pamiž krainami možna stavić u prykład inšym

Pozva pa SMS — jurysty tłumačać, što chočuć źmianić u zakonie. Jość važnyja momanty

Ci jość u biełaruskich hienierałaŭ płan na vypadak napadu Rasii na Biełaruś

Клас
15
Панылы сорам
14
Ха-ха
34
Ого
2
Сумна
8
Абуральна
16