zavod Tesła ŭ Hiermanii Tesla factory in Germany Zavod Tiesła v Hiermanii.

Zavod Tesla ŭ Hrunchajdzie. Skryn videa: techjuicee / YouTube

Jak paviedamlaje Reuters, na minułym tydni Iłan Mask naviedaŭ zavod u Hrunchajdzie (Gruenheide) pad Bierlinam, dzie paviedamiŭ ab płanach vytvorčaści elektramabila koštam 25 tysiač jeŭra. Taki košt stanie kankurentazdolnym u paraŭnańni z koštam kitajskich elektrakaraŭ u 31 tysiaču jeŭra. Ciapier elektramabili ŭ Jeŭropie kaštujuć u siarednim bolš za 65 tysiač jeŭra.

Vydańnie piša, što płany vytvorčaści bolš dastupnaha dla masavaha spažyŭca aŭtamabila Iłan Mask ahučvaŭ daŭno, ale letaś jany byli adkładzieny z pryčyny nieasvojenaści technałohij.

Ale ŭ vieraśni hetaha hoda stała viadoma, što vytvorca nabliziŭsia da technałahičnaha praryvu, jaki dazvolić adlić amal usio dnišča adnym elemientam, što značna paskoryć vytvorčaść i źmienšyć vydatki.

Jak paviedamlajecca, Tesla imkniecca stać lidaram u śfiery elektramabilaŭ i pastaviła ambicyjnuju metu vytvorčaści da 20 miljonaŭ aŭtamabilaŭ da 2030 hoda. Dla hetaha nieabchodna zavajavać masavy rynak. Takija płany vyłučajuć Tesla siarod kankurentaŭ, takich, jak Volkswagen, jakija nie staviać kankretnych metaŭ pa vytvorčaści i skancentravali svaje stratehii na zachavańni rentabielnaści pry pierachodzie na vytvorčaść elektrakaraŭ.

U płanach Tesla pavialičyć mahutnaść zavoda ŭ Hiermanii da 1 miljona aŭtamabilaŭ u hod. Ciapier, pa acenkach śpiecyjalistaŭ, jana składaje kala 250 tysiač.

Na sustrečy z kalektyvam zavoda Mask taksama zajaviŭ ab płanavanym pavyšeńni zarobku, jakoje ŭ hadavym vymiareńni pavinna skłaści 18%. Jak śćviardžajecca, heta dazvolić tolki dahnać inšych aŭtavytvorcaŭ Hiermanii. Pa infarmacyi niamieckaha prafsajuza IG Metall, u 2022 hodzie zarabotnaja płata na zavodzie Tesla była prykładna na 20% nižejšaja za praduhledžanuju kalektyŭnymi pahadnieńniami ŭ inšych aŭtavytvorcaŭ.

Vydańnie źviartaje ŭvahu, što ambicyjnym płanam Tesla mohuć pieraškodzić miascovyja ŭłady, jakija ŭ kastryčniku nakiravali zapyt aŭtavytvorcu ab nadańni dadatkovaj infarmacyi pra toje, jak jahonyja płany pašyreńnia buduć adpaviadać pryrodaachoŭnym zakonam. Tolki paśla hetaha jany prymuć rašeńnie, ci možna ich zaćvierdzić.

Čytajcie jašče:

«Tajota» zrabiła staŭku na pieradavyja technałohii. Ale na spravie nie tak usio prosta

Biełarusy ciapier zmohuć kupić dla asabistaha karystańnia «Tank»

Jak kitajski BYD staŭ samaj vialikaj pahrozaj dla Tesla

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?