Dźvie vychavalnicy Eryka Džons i Sierena Kołdueł, jakija arhanizoŭvali bai ŭ dziciačym sadku. Fota: Newberry County Sheriff's Office

Dźvie vychavalnicy Eryka Džons i Sierena Kołdueł, jakija arhanizoŭvali bai ŭ dziciačym sadku. Fota: Newberry County Sheriff's Office

Palicyja amierykanskaha štata Paŭdniovaja Karalina aryštavała dźviuch vychavalnic miascovaha dziciačaha sadka, jakija na terytoryi ŭstanovy ładzili dziciačyja bai, pieradaje telekanał Fox News.

Jak paviedamiła palicyja, 27-hadovaja Eryka Džons i 56-hadovaja Serena Kołdueł padčas svajoj pracy ŭ dziciačym sadku prymušali vychavancaŭ tuzać, ciahać i bić adno adnaho. Rabiłasia heta nibyta ŭ jakaści pakarańnia za niepasłuchmianaść, «kab dzieci lepš słuchalisia».

Usiaho ŭ bojkach prymušali ŭdzielničać 14 dziaciej uzrostam ad 3 da 4 hadoŭ.

«Baćka adnoj z achviar daŭ pakazańni, što jaho dziciaci zahadvali niekalki razoŭ bić inšaha vychavanca. Ja nie viedaju, čym dumali hetyja dźvie vychavalnicy i navošta heta było rabić. Heta prosta najahidniejšy ŭčynak», — zajaviŭ šeryf miascovaj palicyi Li Foster. 

Jon dadaŭ, što paciarpiełyja dzieci nie atrymali surjoznych fizičnych traŭmaŭ, adnak im naniesienaja vielizarnaja psichałahičnaja škoda. 

Aryštavanym vychavacielkam vystaŭlenyja abvinavačańni pa 14-15 punktach «ab niezakonnym abychodžańni ź dziećmi i schileńni niepaŭnaletnich da ŭčynieńnia złačynstvaŭ».

Čytajcie taksama:

«Prybiralnica raskidała źmienku». Maci školnika z Novaj Baravoj lutuje, a ŭ kamientarach dakarajuć jaje samu 

«Malinavaja Łada». 83-hadovy kampazitar Chanok śpiavaŭ dzieciam ruskuju papsu VIDEA

U dziaciej, jakija zadoŭha siadziać pierad televizaram ci ŭ telefonie, bolšaja ryzyka źjaŭleńnia sardečnych chvarob

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?