Ilustracyjny zdymak. Fota: Viorel Kurnosov / vecteezy.com

Ilustracyjny zdymak. Fota: Viorel Kurnosov / vecteezy.com

Ekśpierty ŭdakładniajuć: akazańnie rekłamnych pasłuh biez uklučeńnia ŭ rejestr z 2022 hoda niezakonna pa ŭkazie № 426 «Ab raźmiaščeńni (raspaŭsiudžvańni) rekłamy».

Ale ŭ dakumiencie jość vyklučeńni, adno ź ich — raźmiaščeńnie rekłamy ŭ internecie, kali havorka nie idzie ab sietkavym vydańni.

Jurysty Revera Belarus źviartajuć uvahu, što prajekt zakona taksama praduhledžvaje vyklučeńni, pry jakich nie treba ŭklučacca ŭ rejestr, ale siarod ich užo niama raźmiaščeńnia rekłamy ŭ internecie.

Heta aznačaje, što kali prajekt budzie pryniaty, to błohieram i inšym asobam dla raźmiaščeńnia rekłamy na svaich miedyjapłatformach i ŭ sacyjalnych sietkach daviadziecca prajści praceduru ŭklučeńnia ŭ rejestr rekłamaraspaŭsiudžvalnikaŭ.

Paradak uklučeńnia ŭ rejestr rekłamaraspaŭsiudžvalnikaŭ, vierahodna, zastaniecca raniejšym. Dla hetaha treba budzie nakiravać apaviaščeńnie pa vyznačanaj formie ŭ MART.

Ihnaravańnie novych patrabavańniaŭ budzie źviazana ź istotnymi ryzykami: niezakonnaja dziejnaść moža paciahnuć nakładańnie štrafu z kanfiskacyjaj da 100% sumy atrymanaha dachodu.

Rejestr rekłamaraspaŭsiudžvalnikaŭ pracuje z 1 lutaha 2022 hoda. Ad uklučeńnia ŭ jaho na hety momant vyzvaleny taksama tyja, chto prapanuje rekłamu na transparcie abo praz telefonnuju, faksimilnuju, sotavuju suviaź, elektronnuju poštu, a taksama pry rekłamavańni ŭ miescach masavych mierapryjemstvaŭ, spabornictvaŭ i konkursaŭ.

Клас
0
Панылы сорам
3
Ха-ха
0
Ого
0
Сумна
0
Абуральна
3