Skryn videa BBC

Skryn videa BBC

Svajaki 85-hadovaj Jafy Adar, a taksama Ruci Munder, Kieren Munder i Ochada Munder-Zichry — babuli, mamy i ŭnuka — raspaviali žurnalistam BBC pra ich znachodžańnie ŭ zakładnikach u Hazie i viartańnie dadomu.

Pa ich słovach, bajeviki karmili ich u asnoŭnym rysam i aładkami, a spali ludzi na radach płastykavych siadzieńniaŭ — padobnych da tych, što vykarystoŭvajucca ŭ załach čakańnia.

«Kali im treba było ŭ prybiralniu, jany kałacili ŭ dźviery — časam im davodziłasia čakać dazvołu pa paŭtary hadziny», — raspaviadaje Mieraŭ Raviŭ, čyje ciotka, stryječnaja siastra i jaje syn Ochad byli zachoplenyja bajevikami ŭ kibucy Nir-Oz 7 kastryčnika.

Rodnyja taksama raspaviali pra tuju vializnuju radaść, jakuju jany adčuli paśla viartańnia svaich blizkich. «Ja tak hanarusia tym, što ja jaje ŭnučka», — kaža Jadva Adar, unučka 85-hadovaj Jafy Adar.

U Izraili Jafa Adar, jakaja pieražyła Chałakost, stała simvałam hodnaści i spakojnaha niepadparadkavańnia, paśla taho jak u sietkach źjavilisia kadry, na jakich hrupa ŭzbrojenych bajevikoŭ CHAMAS viazie jaje ŭ Hazu.

«Ja hladžu na jaje, na toje, jak jana pieražyła heta, na jaje siłu i na toje, jak jana zmahła zachavać nadzieju na viartańnie», — dadała Jadva.

Jafa Adar. Fota pieradadziena BBC siamjoj 

Jafa Adar. Fota pieradadziena BBC siamjoj 

Dom, u jakim Jafa Adar žyła šmat hadoŭ, byŭ spaleny bajevikami daščentu, i ciapier joj niama kudy viarnucca, kaža jaje ŭnučka.

«Zvyčajna, kali tabie za 80, u ciabie jość dom, uspaminy, fotaalbomy, a ŭ jaje ničoha nie zastałosia. U staraści joj treba pačynać usio spačatku, a heta niaprosta», — skazała Jadva Adar.

24 listapada ŭ siektary Haza pačałasia humanitarnaja paŭza. Zhodna z pahadnieńniem pamiž Izrailem i CHAMAS, apošni biare na siabie abaviazak vyzvalić 50 čałaviek u abmien na 150 paleścinskich źniavolenych.

U pieršy abmien zakładnikami bajeviki CHAMAS vyzvalili 13 izrailskich zakładnikaŭ i 12 rabočych z Tajłanda, Izrail vyzvaliŭ 39 paleścinskich źniavolenych.

Čytajcie taksama:

CHAMAS adkłaŭ vyzvaleńnie pałonnych, pakul Izrail nie vykanaje pahadnieńnie sa svajho boku

Izrail i CHAMAS praviali pieršy abmien zakładnikami i źniavolenymi

Bajeviki CHAMAS vyzvalili 13 izrailskich zakładnikaŭ i 12 rabočych z Tajłanda

U siektary Haza ŭstupiła ŭ siłu pahadnieńnie ab spynieńni ahniu

Клас
7
Панылы сорам
0
Ха-ха
0
Ого
1
Сумна
22
Абуральна
7