Śpikier čačenskaha parłamienta Čačni Mahamied Daudaŭ i deputat Dziarždumy Rasii ad Čačni Adam Delimchanaŭ paviedamili ŭ svaich telehram-kanałach, što 16-hadovy syn kiraŭnika Čačni Ramzana Kadyrava Adam staŭ «kurataram» stvoranaha niadaŭna čačenskaha bataljona imia šejcha Mansura, jaki ŭvojdzie ŭ strukturu Minabarony krainy. Uznačalvaje padraździaleńnie fihurant spravy ab zabojstvie Barysa Niamcova Rusłan Hieramiejeŭ, piša The Insider.
Daudaŭ adznačyŭ, što Kadyraŭ-małodšy «maje nieabchodnyja zdolnaści i navyki, hałoŭnyja ź jakich — heta pracavitaść, metanakiravanaść i adkaznaje staŭleńnie da daručanaj spravy». Delimchanaŭ u svaju čarhu nazvaŭ Adama Kadyrava «pryrodžanym vajarom, jaki vałodaje vydatnymi lidarskimi jakaściami».
Akramia taho, Adam Kadyraŭ, jakomu 24 listapada spoŭniłasia 16 hadoŭ, atrymaŭ zorku bataljona imia šejcha Mansura.
Takim čynam ahulnaja kolkaść uznaharod, jakija atrymaŭ Kadyraŭ-małodšy ź vieraśnia 2023 hoda paśla źbićcia ŭ SIZA Mikity Žuraŭla, jakoha vinavaciać u padpale Karana, pieravaliła za dziesiać.
Šejch Mansur — isłamski prapaviednik, pieršy imam Paŭnočnaha Kaŭkaza, kiraŭnik narodna-vyzvolnaha ruchu horcaŭ Paŭnočnaha Kaŭkaza kanca XVIII stahodździa. Pry naradžeńni pryblizna ŭ 1760 hodzie ŭ pasieliščy Ałdy jon atrymaŭ imia Ušurma. U 2021 hodzie ŭ nasielenym punkcie ŭźviali miačeć, nazvanuju imiem imama.
Čytajcie taksama:
15-hadovamu Adamu Kadyravu ŭručyli orden «Za słužeńnie relihii Isłam» I stupieni
Kadyraŭ na 18-hodździe svajho syna Achmata «padaryŭ» jamu pasadu namieśnika ministra
Rambala-KašeKadyrava raznastajnymi ryhijanalnymi ŭznaharodami i prapanavaŭ uznaharodzić Adama Kadyrava miedalom Franciška Skaryny.A Kadyraŭ u adkaz moh by ŭznaharodzić Umku
šakaładnymmiedalom "Za zasłuhi pieried Čiečienskoj Riespublikoj"