Fota: Anton Petrus / Getty Images

Fota: Anton Petrus / Getty Images

«Heta adbyłosia praz paharšeńnie cenavaj kanjunktury i źnižeńnie abjomaŭ ekspartu nafty na fonie ŭzmacnieńnia surovaści sankcyj, pierabudovy łahistyčnych łancužkoŭ i finansavych płyniaŭ», — havorycca ŭ ahladzie.

Abjomy ekspartu nafty pa sistemie «Transnafty» za 9 miesiacaŭ asieli na 8%, a siaredniaja cana hatunku Urals — na 26%, kanstatuje rasijski Centrabank: sioleta ŭ siarednim kožny barel sychodziŭ na ekspart pa 59,54 dalara, a ŭ minułym — pa 80,58 dalara.

Uviadzieńnie stoli cenaŭ na rasiejskuju naftu i naftapradukty pryviało da pieraaryjentacyi ekspartnych płyniaŭ na Aziju i Afryku, adnak u vyniku padaražeła łahistyka, pavialičylisia tranzakcyjnyja vydatki, a častka płaciažoŭ prychodziać z zatrymkami, piša Centrabank. «Akramia taho, zachoŭvajucca ryzyki ŭviadzieńnia druhasnych sankcyj, jakija zakranajuć pracu naftavaj haliny», — havorycca ŭ ahladzie.

Abjomy valutnych dachodaŭ rasijskich naftahazavych mejdžaraŭ źmienšylisia jašče macniej: dola dalara ŭ ekspartnaj vyručcy ścisnułasia ŭdvaja, da 24%, a abjomy prodažaŭ zamiežnaj valuty na biržy ŭpali na 58%.

«Słabym źvianom» rasijskaha naftahazu staŭ «Hazpram», jaki straciŭ jeŭrapiejski rynak. Paśla adklučeńnia pastavak bolšaści klijentaŭ u ES kampanija atrymała bolš za tryljon rubloŭ (kala 11,23 młrd dalaraŭ) čystych strataŭ i była vymušanaja skaracić zdabyču na čverć u paraŭnańni z davajennym pieryjadam. «Rasnafta» pa vynikach dzieviaci miesiacaŭ 2023 hoda adspravazdačyłasia ab padzieńni vyručki na 8%, da 6,612 trłn rubloŭ (74,29 młrd dalaraŭ).

Čytajcie taksama:

Jak Rasija viarnuła naftavyja dachody i što heta aznačaje dla nas usich

ZŠA prypynili sankcyi suprać vieniesuelskaj nafty, ale z palityčnymi ŭmovami

Biełaruś naroščvaje zdabyču nafty i vykarystoŭvaje novuju technałohiju. Što za jana?

Клас
25
Панылы сорам
0
Ха-ха
3
Ого
0
Сумна
2
Абуральна
0