Z 10 śniežnia 2023 hoda na Biełaruskaj čyhuncy pačnie dziejničać novy hrafik ruchu ciahnikoŭ. Fota: uvdgomel / Telegram

Z 10 śniežnia 2023 hoda na Biełaruskaj čyhuncy pačnie dziejničać novy hrafik ruchu ciahnikoŭ. Fota: uvdgomel / Telegram

Pavodle infarmacyi pres-słužby BČ, hrafik ruchu pasažyrskich ciahnikoŭ sfarmiravany na padstavie manitorynhu popytu na pieravozki i analizu pasažyrapatokaŭ. Usiaho praduhledžana kursiravańnie 762 pasažyrskich pajazdoŭ.

U novym hrafiku skaročany čas u darozie na 17 hadzin i źmienieny maršrut ruchu ciahnika Minsk — Archanhielsk. Ciapier pasažyry ciahnika zmohuć jechać u Jarasłaŭl i Vołahdu praz Maskvu.

Akramia taho, u pasažyraŭ zjavicca mahčymaść prajezdu ź Minska da Minieralnych Vod i Nižniaha Noŭharada. Na hetyja ciahniki ŭžo pradadziena bolš za 700 biletaŭ.

Što datyčycca ŭnutryrespublikanskich pajezdak, u stalicu Biełarusi i abłasnyja centry, to tut taksama buduć źmieny.

Pa piatnicach i niadzielach pryznačany novy pojezd mižrehijanalnych linij № 623/624 pa maršrucie Viciebsk — Minsk — Viciebsk.

Akramia hetaha, praciahnuty maršrut ciahnika mižrehijanalnych linij № 635 Minsk — Pinsk da stancyi Brest-Centralny z prypynkami ŭ rajonnych centrach Ivanava, Drahičyn, Kobryn, Žabinka.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?