Uładzimir Zialenski. Fota: Olivier Matthys, Pool Photo via AP

Uładzimir Zialenski. Fota: Olivier Matthys, Pool Photo via AP

Zialenski nie zmoh vystupić pierad amierykanskimi sienatarami pierad hałasavańniem ab dapamozie Ukrainie, piša Bi-bi-si.

Prezident Ukrainy Uładzimir Zialenski ŭ apošni momant admianiŭ svoj vystup pierad siabrami amierykanskaha Sienata, jakija siońnia pavinny razhladać pytańnie ab vydzialeńni Ukrainie novaj partyi dapamohi ZŠA.

Zialenski pavinien byŭ vystupić na zakrytym pasiadžeńni hrupy sienataraŭ a 15:00 pavodle miascovaha času (23:00 pavodle Minska), adnak nie zmoh zrabić hetaha, paviedamiŭ kiraŭnik demakratyčnaj bolšaści ŭ Sienacie Čak Šumier.

«Darečy, Zialenski nie zmoh paŭdzielničać u našym pasiadžeńni — niešta zdaryłasia ŭ apošni momant», — skazaŭ Šumier.

Pra toje, ź jakoj mienavita pryčyny prezident Zialenski nie zmoh vystupić u Sienacie, Šumier nie ŭdakładniŭ.

Siońnia Sienat ZŠA pavinien prahałasavać pa pytańni ab vydzialeńni novaha pakieta dapamohi Ukrainie pamieram bolšym za 60 miljardaŭ dalaraŭ.

Respublikancy, jakija kantralujuć Pałatu pradstaŭnikoŭ, uviazvajuć vydzialeńnie dapamohi Kijevu ź mierami suprać nielehalnaj imihracyi ŭ ZŠA praź miažu ź Mieksikaj.

Bieły dom papiaredžvaje, što hrošy dla vajskovaj dapamohi Ukrainie mohuć skončycca da kanca hetaha hoda.

Kiraŭnik Ofisa prezidenta Ukrainy Andrej Jarmak pieraściaroh, što biez novych pastavak amierykanskaj vajskovaj dapamohi Ukraina mocna ryzykuje prajhrać vajnu Rasii.

Pa słovach Jermaka, isnuje «vielizarnaja ryzyka» parazy Ukrainy ŭ vajnie biez praciahu amierykanskaj padtrymki.

«Nam budzie ciažka ŭtrymacca na tych ža pazicyjach i prosta vyžyć», — dadaŭ jon, vystupajučy ŭ aŭtorak u Instytucie miru ZŠA ŭ Vašynhtonie.

Zajava Jermaka prahučała na fonie adnaŭleńnia ŭ paniadziełak sprobaŭ Biełaha doma damahčysia vydzialeńnia dadatkovaj dapamohi Ukrainie. Pry hetym Kanhres dahetul nie nabliziŭsia da zaklučeńnia kampramisnaj uhody, jakaja dazvoliła b dalej finansavać vajennyja namahańni Kijeva.

«U nas skončylisia hrošy i praktyčna vyčarpaŭsia čas», — napisała ŭ apublikavanym u paniadziełak pasłańni lidaram demakrataŭ i respublikancaŭ dyrektarka administracyjna-biudžetnaha ŭpraŭleńnia Biełaha doma Šałanda Janh.

U im jana papiaredziła, što kali da kanca hoda Kanhres nie zmoža ŭchvalić vyłučeńnie dadatkovaj vajskovaj dapamohi Ukrainie, heta padkosić namahańni hetaj krainy ŭ jaje baraćbie z Rasijaj, i što nie zastałosia «čaroŭnaha zbanka», ź jakoha možna było b uziać dadatkovyja srodki.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?