Hienrych Akałatovič. Fota: katolik.life

Hienrych Akałatovič. Fota: katolik.life

Zatrymanamu śviataru abranaja miera ŭtrymańnia ŭ vyhladzie zaklučeńnia pad vartu, i jon zastajecca za kratami — heta aznačaje, što jamu vystavili abvinavačvańnie, piša katolik.life.

Da źmieny statusu dla jaho admaŭlalisia prymać ciopłyja rečy i pradukty. U pieršyja dni paśla zatrymańnia śviataru ŭdałosia pieradać tolki pradmiety hihijeny, bializnu i tabletki — jon maje surjoznyja chvaroby, tamu vymušany prymać niekalki vidaŭ lekaŭ.

Artykuł Kryminalnaha kodeksa pakul nie nazyvajecca, adnak viadoma, što, pavodle niadaŭnich źmienaŭ u KK Biełarusi, termin utrymańnia pad vartaj da vystaŭleńnia abvinavačvańnia byŭ pavialičany da 20 sutak pa šerahu «antydziaržaŭnych» artykułaŭ — takich jak špijanaž, zdrada dziaržavie.

Ale što mienavita stavicca śviataru ŭ vinu, zastajecca nieviadomym. Nijakaj aficyjnaj infarmacyi pra spravu ksiandza Hienrycha Akałatoviča dahetul niama, dziaržaŭnyja orhany taksama pakul ničoha nie paviedamili pra toje, u čym abvinavačvajuć śviatara.

Hienrych Akałatovič — viadomy i pavažany ŭ Biełarusi śviatar, jaki jašče z savieckich ateistyčnych časoŭ dapamahaŭ adradžać katalickuju carkvu ŭ rehijonach. Nie raz stanaviŭsia hierojem publikacyj i siužetaŭ dziaržaŭnaj presy, u adnym z materyjałaŭ padkreślivałasia, što ksiondz razmaŭlaje pa-biełarusku nie tolki ŭ parafii, ale i doma.

Čytajcie taksama:

Što viadoma pra vałožynskaha śviatara Hienrycha Akałatoviča 

Słavutaha ksiandza Hienrycha Akałatoviča zatrymali. Mahčyma, vinavaciać u «zdradzie radzimie»

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?