grapefruit peel ciedra hiejpfruta lipina hrejpfruta

Fota: Sutthiwat Srikhrueadam / Getty Images

Šmat chto moža skazać, što ad horkaj łupiny hrejpfruta nie moža być nijakaj karyści. Na samoj spravie jana bahataja vitaminami i minieralnymi rečyvami, utrymlivaje piekcin, efirnyja masły i antyaksidanty. Voś niekalki sposabaŭ praktyčnaha jaje vykarystańnia.

Čyściačy srodak

Łupina hrejpfruta možna dapamahčy z čystkaj rakaviny ci plity. Dla hetaha na brudnuju pavierchniu treba nasypać sody, a zatym pacierci jaje łupinaj ad hrejpfruta.

Taksama možna pryhatavać čyściačy srodak. Dla hetaha treba biełyja častki zalić vocatam i pakinuć na 5-7 dzion. Zatym atrymany rastvor pieralić u fłakon z dazataram. Hety naturalny srodak z pośpiecham spravicca ź ćvillu ŭ vannym pakoi, ačyścić krany ad nalotu, prydaść blask kieramičnym i mietaličnym pavierchniam.

Jaskravy pach łupiny dziejničaje jak dezynfiektar. Kali jaje pakłaści na batareju, to možna pazbavicca ad bakteryj i virusaŭ u pakoi. Adnačasova pach akaža pryjemnaje ŭździejańnie na arhanizm pry stomlenaści i depresii.

Vykarystańnie ŭ kulinaryi

Łupina hrejpfruta z pośpiecham moža być vykarystanaja ŭ vypiečcy. Śviežuju ci zacukaranuju łupinu možna dadać u kieks ci čyzkiejk. Harkavataść dadaść admietnaści smaku piečyva.

Łupinu hrejpfruta taksama možna vysušyć i zatym zdrobnienuju dadavać, naprykład, u zialony čaj. Takija sumiesi možna znajści i ŭ prodažy, ale ničoha nie byvaje lepšym za samastojna pryhatavanaje.

Hrejpfrut Hriejpfrut grapefruit

Fota: Getty Images

Dahlad za skuraj

Heta moža padasca dziŭnym, ale łupina hrejpfruta vydatna padydzie dla dahladu za skuraj. Jana dapamoža narmalizavać pracu tłuščavych załozaŭ, paskoryć zahojvańnie ranaŭ, pavysić pruhkaść epidermisu.

Kab pryhatavać nastoj dla pracirańnia skury, treba pakłaści sušanaje łupińnie ŭ kieramičnuju jomistaść i zalić jaje chałodnaj vadoj. Praz sutki nastoj pracedžvajuć i vykarystoŭvajuć rankam i viečaram.

Dahlad za vałasami

Łupina hrejpfruta taksama dapamahaje ŭmacavać karani vałasoŭ i palepšyć ich rost. Dla hetaha nieabchodna łupinu adnaho płodu zalić litram kipieniu i vytrymać adnu hadzinu. Paśla pracadzić, dadać dźvie kapli efirnaha aleju čajnaha dreva i vykarystoŭvać dla ŭcirańnia ŭ skuru hałavy i apałoskvańnia vałasoŭ paśla myćcia.

Supraćpakazańni

Łupina hrejpfruta moža nie tolki być karysnaj, ale i nanieści škodu zdaroŭju. Jaje lepš nie ŭžyvać tym, chto maje indyvidualnuju niepieranosnaść, kalit, jazvu, enteryt, hiepatyt, chalecystyt, hastryt ci zapaleńnie kišečnika.

Čytajcie jašče:

Nie vykidajcie łupiny bananaŭ — dla ich jość dobraje prymianieńnie

Lon — supierieža

Siezon hranata pačaŭsia. Voś niekalki receptaŭ z hranatam, pra jakija vy nie padumali b

Клас
8
Панылы сорам
1
Ха-ха
1
Ого
1
Сумна
1
Абуральна
2