Anthony Delon and Alain Delon Entani Dełon i Alen Dełon Entoni Diełon i Alen Diełon

Entani Dełon i Alen Dełon. 2021 hod. Fota: AP Photo/Michel Euler

Jak piša Le Monde, Entani Dełon, syn 88-hadovaj zorki francuzskaha kiniematohrafu Alena Dełona, daŭ intervju Paris Match, u jakim raskazaŭ, što jahony baćka «niadobra siabie adčuvaje»,«asłabieŭ», i, mahčyma, hetyja Kalady dla jaho apošnija.

Entani Dełon taksama abvinavaciŭ svaju zvodnuju siastru Anušku (Anouchka), u tym, što jana nie raskazała jamu ab pravale baćkam šerahu kahnityŭnych testaŭ u pieryjad z 2019 pa 2022 hady paśla insultu.

Pa słovach advakata, Alen Dełon paprasiŭ jaho padać skarhu na syna za paklop.

Sam akcior adznačyŭ, što nadzvyčaj šakavany tym usploskam cikavaści z boku ŚMI, jaki arhanizavaŭ jaho syn z metaj naškodzić reputacyi jahonaj dački i sapsavać adnosiny pamiž imi. Pa słovach akciora, u adroźnieńnie ad Anuški, jahony syn nikoli pa-sapraŭdnamu nie kłapaciŭsia pra jaho. I navat ciapier bačycca ź im vielmi redka.

Jak patłumačyŭ Entani Dełon u intervju CNEWS, jahonaja skarha na siastru nie maje nijakaha dačynieńnia da spadčyny. Pa jaho słovach, heta pytańnie daŭno vyrašana. Paśla śmierci baćki Anuška atrymaje 50% usioj majomaści, a Entani razam z svaim bratam Alenam-Fabjenam (Alain-Fabien) — pa 25%.

Entani taksama adznačyŭ, što jany z bratam vielmi chočuć, kab pavažałasia vola ich baćki pravieści apošnija dni ŭ svaim domie ŭ Dušy (Douchy). Siastru ž jon abvinavačvaje ŭ tym, što jana choča advieźci baćku ŭ Šviejcaryju, kab paźbiehnuć vypłaty padatkaŭ paśla jaho śmierci.

Alen Dełon z žonkaj Natali i 15-miesiačnym synam Entani Alen Diełon s žienoj Natali i 15-miesiačnym synom Entoni Alain Delon with his wife Nathalie and their 15-month-old son Anthony

Alen Dełon z žonkaj Natali i 15-miesiačnym synam Entani. Listapad 1965 hoda. Fota: AP Photo

Sudovyja raźbiralnictvy stali zvyčajnaj źjavaj u siamji Dełonaŭ. Na hetym tydni stała viadoma, što sumiesnaja skarha traich dziaciej akciora suprać jaho 66-hadovaj siabroŭki Irami Ralen (Hiromi Rollin) była adchilena prakuraturaj z-za niedastatkovaści dokazaŭ. Žančynu abvinavacili ŭ maralnym cisku na aktora, chavańni ad jaho karespandencyi i žorstkim abychodžańni ź jaho sabakami. Była adchilena i asobnaja skarha Entani Dełona na Ralen.

U svaju čarhu, Irami Ralen padała skarhu na dziaciej Dełona za hvałt padčas jaje vysialeńnia z doma aktora ŭ Dušy. Ale prakuratura pa tych ža pryčynach adchiliła i jaje.

Alen Dełon — zorka francuzskaha kino. Na jaho rachunku zvyš 90 filmaŭ. Suśvietnaja viadomaść pryjšła da jaho ŭ 1960-ja hady. U 2017 hodzie akcior abviaściŭ ab zaviaršeńni karjery. U 2019 hodzie jon pieranios insult.

Čytajcie jašče:

Alen Dełon pieradumaŭ pamirać i pračytaje vieršy Tarasa Šaŭčenki

Syn Alena Dełona raspavioŭ pra stan baćki paśla insultu

Alen Dełon: Ja nienavidžu siońniašniuju epochu, mnie ad jaje młosna

Alen Dełon sydzie z kino paśla luboŭnaj historyi

Клас
1
Панылы сорам
16
Ха-ха
5
Ого
3
Сумна
7
Абуральна
8

Chočaš padzialicca važnaj infarmacyjaj ananimna i kanfidencyjna?