Abiaškodžanaja bajavaja častka rakiety «Kinžał». Fota: Dziaržaŭnaja słužba Urainy pa nadzvyčajnych situacyjach
Unačy i ranicaj 2 studzienia rasijski bok atakavaŭ Ukrainu z dapamohaj bieśpiłotnikaŭ i rakiet. Ukrainskimi SPA było źniščana 35 bieśpiłotnikaŭ «Šachied» i 72 rakiety.
Bolšaja častka rakiet była vypuščanaja pa Kijevie. Siarod ich — dziesiać hipierhukavych «Kinžałaŭ». SPA ŭkrainskaj stalicy zdoleli ich usie źniščyć. Abłomki adnoj z rakiet upali ŭ lesapasadku ŭ Šaŭčenkaŭskim rajonie Kijeva.
Jak možna zaŭvažyć pa fota, raspaŭsiudžanym Dziaržaŭnaj słužbaj Ukrainy pa nadzvyčajnych situacyjach, hipierhukavaja bajavaja častka ŭvajšła ŭ hrunt na niekalki mietraŭ. Kab jaje dastać spatrebiŭsia ekskavatar. Rabotami pa likvidacyi bojehałoŭki zajmalisia piratechniki Mabilnaha vyratavalnaha centra chutkaha reahavańnia.
Bajavaja častka rakiety «Kinžał» prajšła na niekalki mietraŭ u hrunt. Fota: Dziaržaŭnaja słužba Ukrainy pa nadzvyčajnych situacyjach
Što takoje «Kinžał»
Rasijski avijacyjny rakietny kompleks šyrokaj publicy byŭ prezientavany ŭ sakaviku 2018 hoda. Jon ličycca hłybokaj madernizacyjaj adnastupieńčataj ćviordapaliŭnaj rakiety dla kompleksu «Iskander» u avijacyjnaj viersii. Funkcyju bajavoj płatformy (samalota-nośbita) vykonvajuć samaloty MiH-31 i Tu-22M3. Jany vyvodziać rakietu na vyšyniu ad 12 da 15 tys. mietraŭ, adkul ździajśniajecca zapusk.
MiH-31K z rakietaj kompleksu «Kinžał». Fota: Ministerstva abarony RF
Dalnaść palotu rakiety pieravyšaje 3000 km, kali jaje zapuskajuć z Tu-22M3. «Kinžał» moža nieści jak zvyčajnyja, tak i jadziernyja bojehałoŭki z karysnaj nahruzkaj da 480 kh, a taksama termajadzierny varyjant z bojehałoŭkaj mahutnaściu 10—50 kt.
Paśla zapusku rakieta razhaniajecca da chutkaści 4 Macha (4900 km/h) i moža dasiahać chutkaści da 10 Macha (12 350 km/h). Takaja chutkaść u spałučeńni ź niestabilnaj trajektoryjaj palotu i vysokaj manieŭranaściu rakiety ŭskładniaje jaje pierachop.
Abiasškodžanaja bajavaja častka rakiety «Kinžał». Fota: Dziaržaŭnaja słužba Ukrainy pa nadzvyčajnych situacyjach
Raniej «Kinžał» moh prabivać supraćpavietranuju abaronu Ukrainy, adnak dziakujučy sistemie Patriot Uzbrojenyja siły Ukrainy navučylisia paśpiachova ich źbivać. Atrymanaja bojehałoŭka dapamoža jašče lepš vyvučyć rasijskija rakiety.
Čytajcie jašče:
U Rasii pakazali VIDEA zapusku rakiety, chutkaść jakoj u 10 razoŭ pieravyšaje chutkaść huku
CNN: U ZŠA paćvierdzili, što Rasija zapuściła hipierhukavyja rakiety pa Ukrainie
