Fota: BiełTA

Fota: BiełTA

U paviedamleńni Hiera piša, što rychtujecca pietycyja ad hramadzianaŭ Rasii — rezidentaŭ ES da Jeŭraparłamienta, i pryvodzić prykładny tekst pietycyi. Pietycyja sfarmulavanaja ŭžo ad imia hramadzian Rasii i Biełarusi.

Jaje aŭtary pišuć pra masavuju admovu bankaŭ ES «mieć harantavanyja pa zakonie bazavyja bankaŭskija rachunki rezidentam z hramadzianstvam Rasii i Biełarusi». Jany śviedčać, što ŭ niekatorych krainach, kab praciahnuć DNŽ, treba mieć bankaŭski rachunak, ale, kali nabližajecca termin zakančeńnia DNŽ, banki zakryvajuć rachunki, u tym liku bazavyja, što robić praciah DNŽ niemahčymym. Skazana, što supracoŭniki bankaŭ časta spasyłajucca na nieisnujučyja sankcyi suprać hramadzian Rasii i Biełarusi, a taksama admaŭlajucca prymać dakumienty, što śviedčać pra čakańnie DNŽ jak paćvierdžańnie rezidenctva.

Prajekt Hiery «Iskra», pavodle dapoŭnienaj pietycyi, za apošnija try miesiacy atrymaŭ 2500 zvarotaŭ ad hramadzian Rasii i Biełarusi datyčna admovy ŭ adkryćci rachunkaŭ ci ich błakiroŭki. Aktyvisty prosiać Jeŭraparłamient pryniać rezalucyju ci dyrektyvu, skiravanuju na toje, kab praduchilić takuju praktyku. Pavodle aŭtaraŭ pietycyi, takija dziejańni bankaŭ «siłkujuć admoŭny naratyŭ pucinskaj prapahandy pra «rusafobiju» Zachadu».

Pad pastami, pryśviečanymi pietycyi, bahata kamientaroŭ ad biełarusaŭ. Bolšaść ź ich pra toje, što ŭpisvać biełarusaŭ u ahulnuju z rasijanami pietycyju — sumnieŭny krok:

«A možna biełarusaŭ vyklučyć z hetaha lista? Dla nas nieaktualna».

«Nie ŭpisvajcie Biełaruś, zajmajciesia sami svaimi prablemami, Biełaruś — asobnaja dziaržava i biełarusy sami pra siabie pakłapociacca».

«Abmiežavańnie pravoŭ hramadzian Biełarusi siłkuje naratyŭ ab rusafobii? Cudoŭny tekst, absalutna nijak nie paćviardžaje słovy Cichanoŭskaj pra impierskaje myśleńnie».

«Pra Pucina i rusafobiju baču, a pra Łukašenku i biełarusafobiju — nie. Pra inšych hramadzian i dyktataraŭ taksama treba ŭpisać. Uciekačoŭ z Afryki šmat chto baicca, naprykład».

«Jak hramadzianin Biełarusi, prašu vykraślić nas z hetaj pietycyi. Być razam z vami ŭ lubych pietycyjach — heta nieprymalna. U nas chapaje pradstaŭnikoŭ majho naroda za miažoj dla prasoŭvańnia intaresaŭ».

Niekatoryja kamientatary nie strymlivajuć emocyj:

«Je***, a chto ty takaja, kab ad biełarusaŭ pisać?»

«Nikoli takoha nie było i voś znoŭ. Dobryja ruskija ciahnuć biełarusaŭ u adnu zaprežku z saboj. Vy svaimi dziejańniami z kožnym razam usio bolš paćviardžajecie, što narmalnych siarod vas nikčemnaja mienšaść. Kali ž vy ŭžo pa-bratersku ad****ciesia».

Arhanizatarka žanočych maršaŭ Nastaśsia Kaściuhova bačyć u pavodzinach rasijskich aktyvistaŭ sistemnaść:

«Cikava, jak kožny raz, kali adbyvajecca niešta padobnaje, vy i vašy suajčyńniki navat nie razumiejecie, što vy zrabili nie tak, kolki b vam nie tłumačyli. Bo vam usio roŭna».

U Hiery ŭdakładnili, ci jość biełaruskamoŭny varyjant pietycyi, i jana jaho dała. Što da krytyki ad biełarusaŭ, Uhrumava źviarnuła ŭvahu, što atrymlivała ad hramadzian našaj krainy zvaroty pa temie pietycyi i prapanavała ŭsim, chto nie zhodny sa zvarotam, prosta jaho nie padpisvać.

Čytajcie taksama:

Paśla vypadku sa stralboj u Litvie zadumalisia pra admovu ad ruskich škoł

Biełaruski historyk kiruje čatyrochzorkavym hatelem na Bałkanach, jeść akułu štotydzień i dzielicca svaimi ŭražańniami

«Hałoŭnaje, čaho nam nie chapaje — jeŭrapiejskich haradoŭ». Rasijskija turapieratary raskazali, čamu rasijan vabić zachodniaja Biełaruś

Клас
6
Панылы сорам
23
Ха-ха
9
Ого
2
Сумна
1
Абуральна
58

Chočaš padzialicca važnaj infarmacyjaj ananimna i kanfidencyjna?