U hetaj tryłohii, abapirajučysia na archiŭnyja dakumienty i ŭspaminy vidavočcaŭ, aŭtar raskazvaje pra toje, jakija rašeńni prymali savieckija vojenačalniki i kiraŭniki dziaržavy ŭ klučavyja momanty vajny, jakuju rolu ŭ vajnie na samaj spravie adyhraŭ kožny ź ich i čamu Saviecki Sajuz, šmatrazova pieraŭzychodziačy Hiermaniju kolkaściu i mocaj armii, paciarpieŭ u 1941 hodzie šerah bujnych parazaŭ.

Kankretna ŭ knizie «Bieru svoi słova obratno» Suvoraŭ raźvienčvaje vobraz maršała Hieorhija Žukava, da jakoha napačatku svajoj litaraturnaj karjery staviŭsia dastatkova stanoŭča. Ale bolš hłybokija refleksii i supastaŭleńnie faktaŭ prymusili jaho źmianić svaju dumku i zabrać svaje raniejšyja słovy nazad. 

Viktar Suvoraŭ (sapraŭdnaje imia Uładzimir Razun) — były saviecki raźviedčyk, jaki ŭ 1978 hodzie ŭciok u Vialikabrytaniju. Pačynajučy z pačatku 1980-ch na Zachadzie stali vychodzić jahonyja knihi, u jakich jon krytyčna razhladaŭ savieckuju kancepcyju Druhoj suśvietnaj vajny. Svaimi pracami jon faktyčna pačaŭ šyrokuju dyskusiju adnosna roli kiraŭnictva SSSR u raźviazvańni Druhoj suśvietnaj vajny, prasoŭvaje dumku, što nasamreč Stalin chacieŭ napaści na nacysckuju Hiermaniju pieršym, ale Hitler jaho apiaredziŭ. 

Raniej łukašenkaŭskija sudy ŭžo pryznali ekstremisckaj knihu Suvorava «Cień Pieramohi».

Čytajcie taksama:

U Biełarusi pryznali «ekstremisckaj» čarhovuju knihu

Pryznali «ekstremisckimi» adrazu 12 knih pa historyi: Taras, Dzieružynski, Łyč, Suvoraŭ…

«Spačatku ja nie mahła ŭ heta pavieryć». Praprapraŭnučka Dunina-Marcinkieviča raskazała, jakija pačućci ŭ jaje vyklikaje pryznańnie tvorčaści prodka «ekstremisckaj»

Pryznali «ekstremisckim» dvuchtomny zbor tvoraŭ Dunina-Marcinkieviča. Jon vyjšaŭ u dziaržaŭnym vydaviectvie

Uładzimir Niaklajeŭ adreahavaŭ na toje, što knihu jaho vybranych tvoraŭ pryznali ekstremisckaj

Клас
5
Панылы сорам
19
Ха-ха
8
Ого
2
Сумна
0
Абуральна
14