Učastak palicyi ŭ horadzie Najembiaran. Fota: sacsietki

Učastak palicyi ŭ horadzie Najembiaran. Fota: sacsietki

Sud pieršaj instancyi ŭ Armienii aryštavaŭ na 40 dzion zatrymanaha na miažy z Hruzijaj biełarusa Jarasłava Novikava dla dalejšaj jaho pieradačy ŭładam Biełarusi paśla atrymańnia adpaviednych dakumientaŭ ź Minska, piša Radyjo Svaboda

«Viadoma, zaŭtra-paślazaŭtra my budziem padavać apielacyju, a prakuratura ciaham 40 dzion budzie čakać ź Biełarusi adpaviednyja dakumienty ab pieradačy. My spadziajemsia, što rašeńnie apielacyjnaha suda budzie spraviadlivym i adpaviadać usim normam prava», — skazaŭ praŭnik Chielsinkskaj asacyjacyi ŭ Armienii Araik Papikian, jaki pradstaŭlaje intaresy Jarasłava Novikava ŭ sudzie.

Advakat dadaŭ, što biełaruskija dakumienty, na padstavie jakich sud uchvaliŭ rašeńnie ab aryšcie, nie adpaviadali zakanadaŭstvu Armienii i Jeŭrapiejskaj kanviencyi. «Tamu ja byŭ upeŭnieny, što sud pavinien adchilić zapyt, ale, na žal, sud pryniaŭ hetyja materyjały jak dastatkovyja», — patłumačyŭ jon.

«Spadziajusia, što ŭ apielacyjnym sudzie budzie bolš kvalifikavany sudździa», — adznačyŭ Araik Papikian.

Advakat paviedamiŭ, što ŭ dzień zatrymańnia Jarasłaŭ Novikaŭ zastaŭsia bieź pierakładčyka. «Aficyjna jon tolki praz dvoje sutak atrymaŭ pierakładzienyja dakumienty ab zatrymańni, ab svaich pravach i abaviazkach. Ale, kali ja ź im užo sustreŭsia, to vusna jon užo ŭsio viedaŭ», — raskazaŭ jon.

Pavodle Araika Papikiana, apielacyju budzie razhladać apielacyjny sud u Jerevanie. «Pavodle našaha zakanadaŭstva, apielacyjny sud razhladaje skarhu ŭ piśmovym vyhladzie biez udziełu bakoŭ, kali abarona nie zajavić inšaje chadajnictva — ab razhladzie ŭ vusnaj formie i pry ŭdziele bakoŭ», — patłumačyŭ praŭnik.

Araik Papikian paviedamiŭ, što 5 lutaha Jarasłava Novikava pavinny dastavić u izalatar horada Vanadzor, a 6 lutaha jon planuje pravieści ź im sustreču dla abmierkavańnia apielacyjnaj skarhi.

«Imavierna, što jaho ŭžo zabiaśpiečyli ŭsim nieabchodnym, i spadziajusia, što ŭ jaho tam niama nijakich prablem», — skazaŭ praŭnik Chielsinkskaj asacyjacyi ŭ Armienii.

Hramadzianina Biełarusi Jarasłava Novikava zatrymali 2 lutaha ŭ Armienii pry pierasiačeńni miažy z Hruzijaj, kali vyśvietliłasia, što jaho ŭłady Biełarusi abviaścili ŭ miždziaržaŭny vyšuk SND pavodle faktu ŭchileńnia ad słužby ŭ vojsku. Raniej jamu praciahnuli termin utrymańnia pad vartaj.

Raniej Novikaŭ płanavaŭ pierajechać z Hruzii ŭ Bałharyju, ale nie atrymaŭ vizy. Jamu paraili atrymać nieabchodnuju vizu na radzimie, ale Novikaŭ tudy nie pajechaŭ praz ryzyku być aryštavanym. Zamiest hetaha jon adpraviŭsia ŭ susiedniuju Armieniju, kab padacca na vizu tam.

Advakat biełarusa Jarasłava Novikava paviedamiŭ, što biełaruskija dakumienty, na padstavie jakich sud uchvaliŭ rašeńnie ab aryšcie, nie adpaviadali zakanadaŭstvu Armienii i Jeŭrapiejskaj kanviencyi.

Čytajcie taksama:

U Armienii zatrymali ŭchilista ad vojska ź Biełarusi. Jaho mohuć vysłać na radzimu

Nijakich Turcyi, Armienii i Kazachstana. U jakija krainy nie varta jechać, kali baiciesia zatrymańnia i ekstradycyi

Ad Rumynii da Armienii. Za kolki i jak možna kupić hramadzianstva inšaj krainy

Клас
0
Панылы сорам
3
Ха-ха
0
Ого
2
Сумна
2
Абуральна
11