Fota: Olympics.com
Paviedamlajecca, što ŭ adroźnieńnie ad luboj z 36 600 miedaloŭ, jakija byli razyhrany z Afin 1896 hoda, pieršych sučasnych Alimpijskich hulniaŭ, kožnaja ź ich budzie ŭpryhožana nievialikim kavałačkam Paryža i simvałam krainy Francyi: Ejfielevaj viežaj.
Jak tłumačyć Toni Estanhie, prezident arhanizacyjnaha kamiteta «Paryž-2024», rašeńnie było pradyktavana žadańniem zrabić hetyja abjekty ŭnikalnymi.
«Była praviedziena vialikaja kolkaść pracy, kab pasprabavać abjadnać hetyja kaštoŭnyja mietały — zołata, srebra i bronzu — z samym kaštoŭnym mietałam Ejfielevaj viežy, žamčužynaj francuzskaj karony».
Što taksama važna, to heta najaŭnaść častki aryhinalnaha mietału Ejfielevaj viežy. Arhanizatary padumali, što žalezam z hałoŭnaha simvału Paryža vyrašana nadzialić usich spartsmienaŭ-miedalistaŭ 2024 hoda.
Letnija Alimpijskija hulni projduć u Paryžy z 26 lipienia pa 11 žniŭnia. Budzie pradstaŭlena 36 vidaŭ sportu, razyhranyja 329 kamplektaŭ miedaloŭ. Spabornictvy projduć nie tolki ŭ Paryžy i vakolicach, ale i ŭ inšych haradach Francyi, pieradusim futboł i vietrazievy sport. Spabornictvy pa siorfinhu projduć na Taici na druhim kancy śvietu. Adkryćcio Alimpijady pavinna adbycca ŭzdoŭž Sieny.
Biełaruskija i rasijskija spartoŭcy buduć dapuščanyja da hulniaŭ u lepšym vypadku ŭ niejtralnym statusie. Pryčym fiederacyja lohkaj atletyki ŭ svoj čas zajaviła, što atlety ź Biełarusi i Rasii nie buduć dapuščanyja na Alimpijadu ni ŭ jakim vyhladzie.
Čytajcie taksama:
Mižnarodny alimpijski kamitet jašče raz pravieryć imavierny dopusk biełarusaŭ na Alimpijadu
