Čarhovy raŭnd pieramoŭ pa ŭmovach pastaŭki rasiejskaj nafty ŭ Biełaruś pačaŭsia ŭ Maskvie. Pra heta paviedamlaje BiełTA sa spasyłkaj na pasolstva Biełarusi ŭ Rasiei. Pieramovy prachodziać u Ministerstvie enerhietyki Rasiei.

Nahadajem, učora ŭvieś dzień biełaruskaja delehacyja taksama viała pieramovy ŭ Ministerstvie enerhietyki Rasiei. Pa stanie na 14.00 u vyniku pracy ekspertaŭ pazycyi bakoŭ byli maksymalna zbližanyja.

Adnak paśla dakładu kiraŭnictvu svajho ŭrada rasijskija pierahavorščyki admovilisia ad usich dasiahnutych damoŭlenaściej.

Rasieja i Biełaruś uvajšli ŭ 2010 hod biez pahadnieńnia ab pastaŭkach i tranzycie nafty. Ciapier tranzyt nafty praz terytoryju Biełarusi ŭ eŭrapiejskija krainy praciahvajecca, jak i pastaŭki na biełaruskija naftapierapracoŭčyja zavody.

Raniej rasiejski bok zajaviŭ, što ŭ vypadku niepadpisańnia pahadnieńnia z 1 studzienia 2010 hodu Biełarusi daviadziecca apłačvać 100% myta pry pastaŭkach rasiejskaj nafty. Miensk nastojvaje na zachavańni lhotnaha režymu.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?