Vice-śpikier Dziarždumy Rasiei apynuŭsia ŭ čornym śpisie łatvijskich uładaŭ za šavinistyčnyja vystupy.

Jak paviedamlaje charter97.org sa spasyłkaj na Korriespondient.net, ułady Łatvii zabaranili vice-śpikieru Dziarždumy RF Uładzimiru Žyrynoŭskamu ŭjezd na terytoryju krainy dla ŭdziełu ŭ viasnovaj siesii Parłamienckaj asamblei NATA, jakaja adbudziecca ŭ traŭni hetaha hoda.

Jak zajaviła ahienctvu LETA ministr unutranych spraŭ Linda Murnijece, znachodžańnie Žyrynoŭskaha ŭ čornym śpisie nie praduhledžvaje jaho pryjezdu ŭ Ryhu «ni pry jakich umovach».

Pradstaŭnik delehacyi Łatvii na asamblei NATA Ajnars Łatkovskis pryznaŭ, što lider ŁDPR ŭvachodzić u skład delehacyi biez prava hołasu, ale ŭsio ž moža «vystupić z šavinistyčnymi zajavami».

Nahadajem, što ŭ 2006 hodzie Žyrynoŭskamu byŭ zabaronieny ŭjezd va Ukrainu. U MZS Ukrainy rašeńnie patłumačyli tym, što ŭčynki i zajavy palityka byli skiravanyja na razbureńnie cełasnaści Ukrainy.

Клас
0
Панылы сорам
0
Ха-ха
0
Ого
0
Сумна
0
Абуральна
0